Ижкар-6 °C
27 -тӥ шуркынмон 2020 Удмуртарня
18+

Удмуртиысь сизьым пиналъёслэн суредъёссы экологияя огъяросси вожвылъяськонын вормизы

  • 45
  • 0
Ижкар / Удмуртия
Удмуртиысь сизьым пиналъёслэн суредъёссы экологияя огъяросси вожвылъяськонын вормизы
Туспуктэм: Удмуртиысь тӧролэн но кивалтэтлэн пресс-службазы

Удмуртиысь сизьым пиналъёслэн суредъёссы «Экология глазами детей» огъяросси мерлыко ӵектосын вормизы. Со сярысь элькун тӧролэн но кивалтэтлэн пресс-службазы ивортӥз.

Суреданъя вожвылъяськонын быдэс кунысь 147 пиналъёс вормизы

Влад Могилёв, Степан Праздников, Мария Сырвасова, Амина Аминова, Мария Булдакова, Софья Васильева но Виталий Резанов яркыт буё ужъёссы пыр асьмеос котькудмы музъеммы понна кылкутыны кулэ шуыса возьмато. Пиналъёслэн суредъёссы жюриез туж мур пуштросо луэменызы паймытӥзы.

Арлыдзы пичи ке но, пиналъёсты бадӟым ужпумъёс сюлмаськыто – котыр инкуазьын югдур, жуг-жагез висъяса люкан но трос мукетыз. Со туж умой, уго ӵапак пиналъёс – экологи ласянь выль лулчеберетмес кылдытонын осконмы
Ярослав Семёнов, Удмуртиысь кивалтэтлэн тӧроез

Вормисьёслэсь ужъёссэ Ижкарысь мер транспорт дугдылонниосы интыязы.

Вожвылъяськонэ Россиысь 78 улосвылъёсысь 5 сюрс 343 ужъёс вуизы. Нырысь-валысь радъясьёс 50 вормисьёсты пусйыны чаклало вал ке, пиналъёслэн ужъёссылэсь аспӧртэмлыксэс дунъяса, 137-зэ пусйизы. Финалистъёсын чӧлсконпусъя тодматскыны луэ.

Вормисьёслы дипломъёс но данъетъёс 2020-тӥ ар пумозь почта пыр вуозы.

Вожвылъяськон 10-тӥ тулыспалысен 10-тӥ пӧсьтолэзёзь ортчиз. Удмуртиын сое элькунлэн кунлыкезлы 100 ар тырмонлы сӥзизы

Ватсалом, вожвылъяськонлэн нырысетӥ люкетаз Удмуртиысь 32 ужъёс вормизы. Ваньзы соос озьы ик дипломъёс басьтозы. Удмуртиысь лауреатъёслэсь ужъёссэс Ижысь зоопарке, чугун сюрес вокзаллэн кыкетӥ этажаз но транспорт дугдылонниосы интыязы.

«Экология глазами детей» ӵектосэз Россиысь инкуазь узырлыкъя но экологияя министерство юрттэм улсын В. И. Вернадский нимо фонд но Инкуазез утёнъя огъяросси огазеяськон радъяз. Инкуазез тодон но сое утён Росси азьмуртэн Владимир Путинэн кичӧлтэм «Экология» йӧскалык ӵектослэн ужпумъёсыз луо. 



Наверх
Вниз