Ижкар-11 °C
4 -тӥ толсур 2020 Удмуртарня
18+

Ижкарысь Столичной лицейлы Евгений Кунгурцевлэсь нимзэ сётозы

  • 67
  • 0
Ижкар / Удмуртия
Ижкарысь Столичной лицейлы Евгений Кунгурцевлэсь нимзэ сётозы
Туспуктэм: Руслан Нуриахметов

Ижкарысь Столичной лицейлы Совето Союзысь Геройлэсь Евгений Кунгурцевлэсь нимзэ сётозы. Со сярысь косэмез Удмуртиысь тӧролэн но кивалтэтлэн нимлыко сайтазы поттӥзы.

Косэмез элькун кивалтэтлэн тӧроез Ярослав Семёнов кинюртӥз.

Евгений Максимович Кунгурцев 1921-тӥ арын Ижкарын вордӥськиз. Быдӟым Атыкай оже лётчик, звенолэн командирез но эскадрильялэн командирез луыса пыриськиз. 1945-тӥ арын 23-тӥ тулыспалэ Евгений Кунгурцевлы Совето Союзлэн Героез ним, Ленин нимо орден но «Золотая звезда» медаль сётӥзы. 1945-тӥ арын ик южтолэзе секыт сӧсырмем Евгений Максимович пленэ сюриз но пегӟыны быгатӥз. аслаз частяз берытскиз. Озьы 1945-тӥ арын 19-тӥ оштолэзе солы кыкетӥзэ «Золотая звезда» медаль бырттӥзы. Авиациысь генерал-майор Евгений Кунгурцев 2000-тӥ арын 11-тӥ куартолэзе улонысь кошкиз.

Тодэ вайытом, азьвылгес Ижкарысь 91 номеро школалы Надежда Курченколэсь нимзэ сётӥзы



Наверх
Вниз