Ижкар-6 °C
27 -тӥ шуркынмон 2020 Удмуртарня
18+

Археологлы Маргарита Ивановалы сӥзем виртуальной адӟытон усьтӥзы Удмуртиын

  • 61
  • 0
Ижкар / Удмуртия
Археологлы Маргарита Ивановалы сӥзем виртуальной адӟытон усьтӥзы Удмуртиын
Туспуктэм: udman.ru

Удмуртиын археологлы, истори тодосъя докторлы, профессорлы Маргарита Ивановалы сӥзем виртуальной адӟытон усьтӥськиз. 20-тӥ шуркынмонэ тодосчилы 75 арес тырмысал. Со сярысь Россиысь тодосъя академилэн Урал ёзэтысьтыз Эскеронъёсъя удмурт федерал центрлэн пресс-службаез ивортӥз.

Адӟытонэн ужъюртлэн нимлыко сайтаз тодматскыны луоз

Маргарита Иванова вань улонзэ Удмуртиысь тодосъя но эскеронъёсъя институтын ужаз (али Россиысь тодосъя академилэн Урал ёзэтысьтыз Эскеронъёсъя удмурт федерал центрлэн Историяя, кылъя но литературая удмурт институтэз). 1974-тӥ арысен Иднакар городищеын гудыса утчаськон ужъёс нуиз, историкен Кузьма Куликовен ӵош «Иднакар» музей-заповедникез кылдытонъя учкетэз (концепцизэ) дасяз, элькунамы чеберлыко киужъёсты улӟытонлэн кутсконаз сылӥз. Берлогес, 2011-тӥ арын, та ужез бадӟым данъетэн пусъемын вал – Россиысь кивалтэтлэн лулчеберет удысъя премиеныз.

Профессорлэн 200-лэсь трос тодосъя ужъёсыз потӥз. Ваньмыз соос удмуртъёслэсь, Удмурт Элькунлэсь истрияя, лулчеберетъя, визьбуръя кылёсбурез утёнлы сӥземын вал.

Маргарита Иванова 2020-тӥ арын 12-тӥ куартолэзе улонысь кошкиз.



Наверх
Вниз