100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

0,5 процентлэсь ӧжытэз Удмуртиысь бырйисьёс Россиысь Кун Думае быръёнъёс азьын открепительной удостоверениос басьтӥзы

  • 362
  • 0
Ижкар / Удмуртия
0,5 процентлэсь ӧжытэз Удмуртиысь бырйисьёс Россиысь Кун Думае быръёнъёс азьын открепительной удостоверениос басьтӥзы
Фото: ivanteevka.org

18-тӥ куарусёнэ Россиысь Кун Думае быръёнъёсын асьсэ участоказы куара сётыны быгатӥсьтэм бырйисьёс 5 сюрс 541 открепительной удостоверениос басьтӥзы. Со элькунын улӥсь бырйисьёс пӧлысь 0,5 процентэз луэ. Журналистъёслы со сярысь вераз улосвылысь Быръёнъёсъя валтӥсь ӧрилэн тӧроез Виктор Кушко.

«Открепительной удостоверениос сёто со кунмуртъёслы, кудъёсыз кыӵе ке мугъёсъя асьсэ быръён участоказы куара сётыны уз быгатэ. Открепительной удостоверениез басьтон понна соос 3-тӥ гудырикошконысен 6-тӥ куарусёнозь быръёнъёсъя интывыл участокъёсы вазиськыны быгатӥзы. Та дыре открепительной удостоверениосты сёто быръёнъёсъя участковой ӧриосын, отын, кытын бырйисьёс куара сётыны дышемын, со адресъёсъя ик», — вераз со.

Удмуртиысь ЦИК-лэн тӧроез озьы ик тодэ вайытӥз, таяз быръён кампаниын дырызлэсь вазь куара сётон уг радъяськы шуыса.

Тодэ вайытом, 18-тӥ куарусёнэ Удмуртиын Россиысь Кун Думае быръёнъёс ортчозы. Одӥг мандатъем кык округъёсъя 15 кандидатъёс вожвылъяськозы, соос политикая 9 партиослэн ыстэм муртъёссы луо. Со сяна, ортчозы ёросъёслэн но поселениослэн кенешъёсазы депутатъёсты быръёнъёс (нырысетӥосаз 3 сюрс 204 кандидатъёс пусъемын, кыкетӥосаз — 5 сюрс 849), кар Думаосы ватсаса быръёнъёс (Ижкарын кык мандат буш, Воткаын, Сарапулын, Можгаын но Камбаркаын быдэн одӥген). Оглом — пӧртэм ёзъёсы 333 быръён кампаниос.



Наверх
Вниз