100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Брангуртысь песянайёс быръён участокын кырӟазы

  • 287
  • 0
Брангурт / Удмуртия
Брангуртысь песянайёс быръён участокын кырӟазы
Фото: Алексей Арзамасцев

Брангуртысь песянайёс черкогуртысьтызы школаын быръён участокын кырӟазы. Озьы ик соос ваньзэсты куара сётонэ пыриськыны ӧтизы, ивортэ «Удмуртия» агентстволэн корреспондентэз.

Кырӟасьёс участоке 8 час 30 минутэ вуизы. Одӥгез песянай быръёнъёсъя ӧрилы сылалтэм огреч но нянь ваиз. Куара сётыса, соос вань лыктэмъёслы капчи мылкыд но удалтонлык сӥзизы. «Милям тӥлед кырӟан кузьмаммы потэ, мылкыдды умой мед луоз. Милям туннэ мылкыдмы туж умой. Ми егит дырысенымы быръёнъёсты яратӥмы. Бадӟым мылкыдын лыктӥмы туннэ», — вераз коллективлэн ёзчиез Галина Конева.

Песянайёс пусйизы, соос туннэ умой уло, куара сётӥзы «таӵе улон медаз сӧриськы» шуыса. Галина Коневалэн верамезъя, быръёнъёслэсь палэнскон «умой ӧвӧл, кулэ мыныны. Куара сётонэ мыноно но ӟеч адямиосты быръёно».



Наверх
Вниз