100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Удмуртиысь Кун Кенешлэн тӧроез: мон быръёнъёсты одӥг пол но ӧй кельты

  • 474
  • 0
Ижкар / Удмуртия
Удмуртиысь Кун Кенешлэн тӧроез: мон быръёнъёсты одӥг пол но ӧй кельты
Фото: Ольга Константинова

Удмуртиысь Кун Кенешлэн тӧроез Владимир Невоструев куара сётӥз Ижкарысь 93 номеро школаын интыяськем 5/20 номеро быръён участокын. Кивалтӥсьлэн верамезъя, со быръёнъёсты одӥг пол но ӧз кельтылы.

«Зэм верало, мон одӥг пол но ӧй кельты (быръёнъёсты — ред.), котьку мынӥсько но азьланез понна куараме сётӥксьо. Ас вакытаз ёрос кенеше, кар думае, асьме кунмылэн азьмуртэз понна куара сётылӥ <…> Оглом, вань бырёнъёсы котьку мыло-кыдо пыриськисько», — вераз Владимир Невоструев.

Удмуртиысь Кун Кенешлэн тӧроез ваньзэсты праздникен — Куара сётонъя огъя нуналэн ӟечкылаз но элькунын улӥсьёсты быръёнъёсы пыриськыны ӧтиз. Улосвылын сыӵе эрикрадзы вань 1 миллион 200 сюрс пала адямилэн.

Фото: Ольга Константинова

Нялтас вераса, ужъюртъёсын, кытын куара сётон радъямын, пыжиськемъёс, канцеляр вузъёс, пӧртэм книгаос басьтыны луэ. Но улосвыл парламентлэн тӧроез пыжиськемъёсты ӧз басьты, валэктӥз, кутэмняньёс сое дораз возьмало шуыса — кузпалыз пыжиз. Владимир Невоструевлэн кылъёсызъя, быръёнъёсты ческыт ӝытсиёнэн пусъён семьялэн йылолэз луиз.



Наверх
Вниз