100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

15 часлы Удмуртиын 30,48 процентэз бырйисьёс куара сётыны ветлӥзы

  • 302
  • 0
Ижкар / Удмуртия
15 часлы Удмуртиын 30,48 процентэз бырйисьёс куара сётыны ветлӥзы
Фото: Григорий Фомин

Куара сётонъя огъя нуналэ, 18-тӥ куарусёнэ, 15 часлы Удмуртиын 30,48 процентэз бырйисьёс эрикрадзэс быдэстӥзы. 2011-тӥ арын Кун Думалэн куатетӥ ӧтчамаз депутатъёсты быръёнын та лыдпус 39,75 процент вал, ивортӥз журналистъёслы элькунысь ЦИК-лэн тӧроез Виктор Кушко.

Ижкарын — 24,22%. Улосвылысь каръёсъя шорлыдын — 25,66%/ Тужгес трос бырйисьёс кура сётӥзы Воткаын — 30,93%.

Элькунъя тужгес тросэз куара сётӥзы Алнаш ёросын — 47,06%, тужгес ӧжытэз — Ижкарысь Ленин ёросын — 21,85%.

Виктор Кушко верамъя, 201-тӥ арын лыдпусъёс 1,5–2 процентлы вылӥынгес вал.

Одӥг мандатъем 33 номеро Удмурт округъя 31,24 процентэз бырйисьёс кура сётӥзы, 33 номеро Ижкар округъя — 29,80 процентэз.

Ватсалом на, Интерфакс ивортэмъя, Приволжск федерал округын кура сётонэ тужгес мыло-кыдо пырисько Башкириын, Татарстанын но Мордовиын улӥсьёс. Москва дыръя 12 часлы Привольжеын 10-ысен 35 процентозь бырйисьёс куаразэс сётӥзы.

Башкириын 12 часлы 39 процентэз бырйисьёс куара сётӥзы. 12 часлы округъя со тужгес бадӟым лыдпус. Озьы ке, но, 2011-тӥ арын эрикрадзэс та дырлы быдэстӥзы вал 48,1 процентэз Башкириын улӥсьёс. Мордовиын 28,29 процентэз куара сётӥзы (2011-тӥ арын -30 процент котыр). Татарстанын — 35 процентэз (2011-тӥ арын — 32,98 процент).

Тужгес ӧжытэз бырйисьёс куара сётӥзы Пермь шаерын. Интыысь дыръя 12 часын 10,74 процентэз быръён участокъёсы вуылӥзы. Сыӵегес ик лыдпус вал 2011-тӥ арын.



Наверх
Вниз