100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

18 часлы Удмуртиын куара сётонэ пыриськизы 38,4 процентэз бырйисьёс

  • 280
  • 0
Ижкар / Удмуртия
18 часлы Удмуртиын куара сётонэ пыриськизы 38,4 процентэз бырйисьёс
Фото: Григорий Фомин

18 часлы Удмуртиын куара сётонэ пыриськизы 38,4 процентэз бырйисьёс. Журналистъёсын брифингын со сярысь ивортӥз элькунысь Быръёнъёсъя валтӥсь ӧрилэн тӧроез Виктор Кушко.

Одӥг мандатъем 33 номеро округъя — 39,25%, 34 номеро округъя — 37,63%.

Каръёсъя: Воткаын — 38,25%, Можгаын — 36,61%, Глазкарын — 35,05%, Cарапулын — 34,32%, Ижкарын — 31,54%.

Гурт ёросъёсъя шорлыдын 47,37 процентэз бырйисьёс куара сётон участокъёсы ветлӥзы. 18 часлы тужгес трос бырйисьёс куаразэс сётӥзы Алнаш ёросын — 56,36%, тужгес ӧжыт Дэри ёросын — 38,3%/.

Виктор Кушко верамъя, Дэри ёросысь одӥгаз быръён участокын возьмамтэ учыр луиз. Италмас черкогуртын тыл кысӥз. Соку ик куара сётон интые камераен адями пыриз, но ӧриез пӧськемен янгыше уськытӥз.

«Ӧри та учырен нокызьы герӟаськемын ӧвӧл, — пусйиз Кушко. — Со кунмуртэз ӝегатыны МВД-ысь, но ФСБ-ысь кужымъёс кыскемын. Собере эскеронъёс луозы, малы юртын тыл кысӥз».



Наверх
Вниз