100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Удмуртилэн тӧроез быръёнъёслы йылпумъянъёс сярысь: потэ вал, тросгес адямиос партилы мед дурбасьтозы шуыса

  • 318
  • 0
Ижкар / Удмуртия
Удмуртилэн тӧроез быръёнъёслы йылпумъянъёс сярысь: потэ вал, тросгес адямиос партилы мед дурбасьтозы шуыса
Фото: Григорий Фомин

Удмуртилэн тӧроез Александр Соловьёв 18-тӥ куарусёнэ быръёнъёсы ветлэм элькунын улӥсьёслы тау кариз. Резиденциын ортчем аппарат кенешон бере 19-тӥ куарусёнэ со сярысь вераз журналистъёслы.

«Бен, мыным кельше. Потэ вал, тросгес адямиос партилы мед дурбасьтозы шуыса. 50 процент — со сокем трос ӧвӧл. Ми кема возьмамы, ку луоз 51 процент. Озьы ке но, нырысь-валысь чотанъёсъя, ми Приволжск федерал округъя 8-тӥ яке 9-тӥ. Урод ӧвӧл… Быръёнъёс секыт вал. Мынам асьме бырйисьёслы ӟеч кылъёс вераме потэ. Пумиськонъёс, кудъёссэ ми ортчытӥмы, эшшо одӥг пол возьматӥзы, асьме бырйисьёс элькун тӧрлыкъёс шоры умой учко. Трос лэсьтӥське элькунын, валамон, ваньмыз уг. Гуртын пумиськонъёс, предприятиосын пумиськонъёс возьматӥзы, азьлане вамышъёс вань. Милемыз кылӥзы, калык милем оске. Табере валтӥсез, депутатъёс вань оскытонъёссэс мед быдэстозы шуыса. Кызьы вераз Владимир Путин, ми ваньзэ лэсьтыны кулэ, калыкен быръемъёс вань быгатонозэ мед лэсьтозы шуыса», — пусйиз Удмуртилэн тӧроез.

Тодэ вайытом, 10 час 30 минутлы чотам бюллетеньёсъя «Единая Россия» партия понна куразэс сётӥзы Удмуртиысь 50,3 процентэз бырйисьёс. Сыӵе лыдпусъёсты шараязы элькунысь Быръёнъёсъя валтӥсь ӧриын 97,59 процентсэ бюллетеньёсты эскерем бере.



Наверх
Вниз