Ижкар+1 °C
13 -тӥ оштолэзь 2021 Пуксён
18+

Александр Бречалов: «Мон нокытчы кошкыны уг малпаськы»

  • 409
  • 0
Ижкар / Удмуртия
Александр Бречалов: «Мон нокытчы кошкыны уг малпаськы»
Туспуктэм: Руслан Нуриахметов

Удмуртилэн тӧроез Александр Бречалов Россиысь Кун Думае «Единая Россия» партилэсь быръёнъёс но элькун тӧролэн ужинтыысьтыз кошкыны ӧдъя шуыса вераськонъёс ласянь малпанъёссэ шараяз. Со сярысь со туннэ, 6-тӥ оштолэзе, журналистъёслы пресс-конференциез дыръя вераз.

Кун Дума сярысь вераськыны вазь на, али праймериз мынэ, адямиос быръёзы, кин отчы элькунмылэсь пыроз, «Единая Россия» партия сярысь верасько. Озьы-а, тазьы-а, мон соин кивалтӥсько, со мынам быръёнэ. Мон партия понна дурбасьто
Александр Бречалов, Удмуртилэн тӧроез

Озьы ик Александр Бречалов элькунмес азинтон пумысен трос малпанъёсыз на но ужзэ ӝыныё куштыны уг быгаты шуыса пусйиз. Со сяна, татын тодматскем но ӟеч кусыпъёс кылдытэм адямиос сярысь малпаса элькунысьтымы кошкыны умойтэм луысал шуиз.

Мон нокытчы кошкыны уг малпаськы. <…> Нырысь ик, али югдурмес лыдэ басьтыса, нош со огласянь 2017-тӥ арынлэсь но секытгес, со умойтэм луысал. Кыкетӥез, мынам уг поты. <…> Монэн нокин, азьмуртысен партияя ужъюлтошъёсы дорозь, сыӵе вераськонъёс ӧз нуы. Мынам элькунын ужаме потэ
Александр Бречалов, Удмуртилэн тӧроез

Тодэ вайытом, туннэ, 6-тӥ оштолэзе, Александр Бречалов элькун кивалтэтлэн 2020-тӥ арын ужамезлы йылпумъянъёсъя доклад лэсьтӥз. 



Наверх
Вниз