100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Улосвыллы тӧроез быръёнъёсты ортчытон ужпумез Удмуртиысь Кун Кенеш матысь сессиын эскероз

  • 353
  • 0
Ижкар / Удмуртия
Улосвыллы тӧроез быръёнъёсты ортчытон ужпумез Удмуртиысь Кун Кенеш матысь сессиын эскероз
Фото: Григорий Фомин

Удмуртилы тӧроез быръёнъёсты ортчытон ужпумез, катрадлык куремъя, улосвылысь Кун Кенешлэн матысь сессияз эскерозы.

Каткылдытъясь ёзэслэн нимлыко сайтэз ивортэмъя, вуоноез сессия 25-тӥ оштолэзьлы чакламын.

Тодэ вайытом, Удмуртилэсь тӧрозэ Александр Соловьёвез ужысьтыз мозмытэм бере, со сярысь пуктэтэз Россилэн азьмуртэз Владимир Путин туннэ, 4-тӥ оштолэзе юнматӥз, нырысь ик улосвыллэн тӧроезлэсь ужъёссэ быдэсъясь юнматэмын луыны кулэ. Нош куарусёнэ — куара сётонъя огъя нуналэ — элькунын выль тӧроез быръёнъёс ортчозы.

Александр Соловьёвез 4-тӥ оштолэзе ӵукна ӝегатӥзы но Москвае нуизы. Солы пумит Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере») уголовной уж ӝутӥзы. Следствилэн ивортэмезъя, Удмуртилэн тӧроез Камбарка палан выжъёсты лэсьтӥсь огазеяськонъёслэн оскем муртъёсызлэсь 139 миллион манет басьтӥз, озьы ик коммерци огазеяськонлэсь 2 миллион 700 сюрс манет сылӥсь люкетсэ.



Наверх
Вниз