100 лет государственности Удмуртии
Ижкар+11 °C
1 -тӥ инвожо 2020 Вордӥськон
16+

Владимир Невоструев Удмуртилэн тӧроезлэсь ужзэ огдырлы быдэсъясь муртэ юнматэм пумысен мылкыдъёссэ вераз

  • 387
  • 0
Ижкар / Удмуртия
Владимир Невоструев Удмуртилэн тӧроезлэсь ужзэ огдырлы быдэсъясь муртэ юнматэм пумысен мылкыдъёссэ вераз
Фото: Григорий Фомин

Удмуртиысь Кун Кенешлэн тӧроез Владимир Невоструев Удмуртилэн тӧроезлэсь ужзэ огдырлы быдэсъясе Александр Бречаловез юнматэм пумысен мылкыдъёссэ вераз. Солэн кылъёсызъя, со солы ужын юрттыны дась, ивортэ улосвыл парламентлэн пресс-службаез.

«Росси Федерацилэн Азьмуртэз Владимир Владимирович (Путин — ред.) адямиосты, ужасьёсты тросгес тодэ. Адями дасямын, дыр, туннэ ужаны дась. Юрттомы. Выль кивалтӥсьлэсь нырысь ик возьмам потэ, элькун мед азинскоз, выль мерлыко объектъёс мед пуктӥськозы, экономика, гурт возёс мед азинскозы шуыса. Валтӥсез — экономика мед будоз», — пусйиз Владимир Невоструев.

Озьы ик со ватсаз, котькуд кивалтӥсьлы команда кулэ шуыса.

«Командатэк нокыӵе кивалтӥсь но экономикая ужпумъёсты но мер азинсконъя ужпумъёсты сэрттыны-пертчыны уз быгаты. Соин ик командаен гинэ котькыӵе ужпумез сэрттыны-пертчыны луэ», — вераз Удмуртиысь Кун Кенешлэн тӧроез.

Тодэ вайытом, Александр Бречаловез Удмуртилэн тӧроезлэсь ужзэ огдырлы быдэсъясе юнматӥзы 4-тӥ оштолэзе. Со ужоскетъёсты быдэсъялоз 2017-тӥ арын куарусёнозь, соку улосвыллы выль кивалтӥсез быръёнъёс ортчозы.



Наверх
Вниз