100 лет государственности Удмуртии
Ижкар+12 °C
1 -тӥ инвожо 2020 Вордӥськон
16+

Удмуртиысь тӧролэн но кивалтэтлэн администрацизылэн кивалтӥсез луиз Сергей Смирнов

  • 681
  • 0
Ижкар / Удмуртия
Удмуртиысь тӧролэн но кивалтэтлэн администрацизылэн кивалтӥсез луиз Сергей Смирнов
Фото: CRIMERUSSIA.COM

Удмуртиысь тӧролэн но кивалтэтлэн администрацизылэн кивалтӥсез луиз Сергей Смирнов. Со сярысь туннэ, 7-тӥ оштолэзе, ивортӥз улосвыл тӧролэсь ужзэ огдырлы быдэсъясь Александр Бречалов.

2016-тӥ арын куарусёнысен Сергей Смирнов Россилэн азьмуртэзлэн пуш политикая управлениезлэн кивалтӥсезлэн Федерал собраниен кусып возён понна кылкутонэн воштӥсез вал. Солэсь азьвыл Россиысь Мер палаталэн аппаратэныз кивалтӥз.

Тодэ вайытом, солэсь азьвыл Удмуртиысь тӧролэн но кивалтэтлэн администрацизылэн кивалтӥсезлэсь ужзэ огдырлы быдэсъясь вал Сергей Бурнышев. Со интыужысь ас мылкыд каремезъя Андрей Гальцинэз воштӥз.

Фото: Григорий Фомин
7-тӥ оштолэзе Александр Бречалов Сарапул но Камбарка ёросэн тодматскыны потӥз Фото: Григорий Фомин © udmurt.media

Александр Бречалов Удмуртилэн тӧроезлэсь ужзэ огдырлы быдэсъясе юнматэмын Росси азьмуртлэн Владимир Путинлэн пуктэтэныз 4-тӥ оштолэзе.

6-тӥ оштолэзе Бречалов улосвыл кивалтэтэз отставкае келян сярысь пуктэтэз юнматӥз. Удмуртилэсь тӧрозэ 2017-тӥ арын куарусёнэ бырйытозь, кивалтэтлэн ваньмыз ёзчиосыз ужез быдэсъясь ватсэтэн ужалозы. Сергей Смирнов озьы ик ужез быдэсъясь луэ.

ВАТСАН

Сергей Витальевич Смирнов вордӥськиз 1978-тӥ арын 2-тӥ куартолэзе. 
Школаез йылпумъяса, ФСБ-лэн Москваысь кунгожчиосты дасясь институтаз «юриспруденция» ӧнеръя дышетскыны пыриз. 
2000-тӥ арысен Москваысь Лианозово ёросын депутатэ бырйиськылӥз. 
2004-2005 аръёсы – «Спортивная Россия» мер огазеяськонлэн ёзэтэзлэн кивалтӥсез. 
2007-тӥ арын «Молодая Гвардия Единой России» огазеяськонлэн ёзчиез луиз.  
2007-тӥ арын ик Москваысь Кар дума бордын ужась Егитъёслэн палатаязы пыриз но спортъя, мугорез кыдатонъя но туризмъя секцилэн кивалтӥсезлэн воштӥсез луиз.  
2011-тӥ арын Москваысь Егитъёслэн но семьяослэн политиказыя департаментын «Молодые Москвичи» центрлэн кивалтӥсезлэн воштӥсез интые юнматӥзы.  
2013-тӥ арын Москваысь Новомосковской но Троицкой административной округъёсын Егитъёслэн но семьяослэн политиказыя департаментэн кивалтыны кутскиз.  
2014-тӥ арын Егитъёсын ужанъя федерал агентстволэн кивалтӥсезлэн воштӥсез луиз.  
2016-тӥ арын 19-тӥ куарусёнэ Россилэн азьмуртэзлэн пуш политикая управлениезлэн кивалтӥсезлэн воштӥсез луиз, отын Федерал собраниен кусып возён понна кылкутӥз. 
1996-тӥ арын каратэя Европалэсь кубоксэ утӥз.


Наверх
Вниз