100 лет государственности Удмуртии
Ижкар+11 °C
1 -тӥ инвожо 2020 Вордӥськон
16+

Удмуртилэн тӧроезлэсь ужзэ огдырлы быдэсъясь Симонихаын улӥсьёслы транспортэн но эмъюрттэт сётонэн юрттыны оскытӥз

  • 562
  • 0
Сарапул / Удмуртия
Удмуртилэн тӧроезлэсь ужзэ огдырлы быдэсъясь Симонихаын улӥсьёслы транспортэн но эмъюрттэт сётонэн юрттыны оскытӥз
Фото: Григорий Фомин

Удмуртилэн тӧроезлэсь ужзээ огдырлы быдэсъясь Александр Бречалов  7-тӥ оштолэзе Симониха каргуртын улӥсьёсын пумиськиз. Интыысен со сярысь ивортэ «Удмуртия» агентстволэн корреспондентэз.

Симониха Сарапуллэн люкетэныз лыдъяське. Но уж вылын каргурт висъяськыса кыле. Матысь Ершовка гурт дорозь 6 иськем сюрес тудву кошкон вакытэ воксё быре. Отын улӥсьёс калыке потыны быгато катерен, теплоходэн яке чугун сюрес транспортэн гинэ. Каргуртын ФАП-сы но, чагыр эстӥськонзы но, ву кошкон гумыоссы но ӧвӧл, электрокужым дырын-дырын ышылэ. Та дыре отын 109 адями пусъемын. Но баракъёсын, куд-огез соос пӧлысь куашкан калэ вуэмен лыдъямын ини, 33 адями улэ.

Фото: Григорий Фомин
Баракъёсын, куд-огъёсыз соос пӧлысь куашкан калэ вуэмен лыдъямын ини, 33 адями улэ                  Фото: Григорий Фомин © udmurt.media

Улосвыл кивалтӥсь улэм-вылэмзэс чаклаз но калыклэн юанъёсызлы валэктонъёс сётӥз. Солэн кылъёсызъя, транспорт висъян, сиён-юон вуттон но эмъюрттэт сётон сярысь юанъёс матысь дыре сэрттӥськозы-пертчиськозы. Бречалов нимысьтыз пусйиз, вуттэм вузъёслы дунъёс Сарапулысь лавкаосысь дунъёслэсь вылӥын луыны кулэ ӧвӧл шуыса.

Каргуртын улӥсьёсын юристъёс ужаны кутскозы. Соос азьланяз мукет юртэ улыны выжыны кулэ луись ужкагазъёс бичаны юрттозы.

Улон интызэс умоятыны кулэяськисьёслэн лыдметазы 2017-тӥ арын 1-тӥ оштолэзьлы вить семья пусъемын.



Наверх
Вниз