100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Утись Удмуртилэсь азьвыл кивалтӥсьсэ Александр Соловьёвез арест улэ басьтэмлы пумит ӝожтӥськон сётӥз

  • 510
  • 0
Москва / Удмуртия
Утись Удмуртилэсь азьвыл кивалтӥсьсэ Александр Соловьёвез арест улэ басьтэмлы пумит ӝожтӥськон сётӥз
Туспуктэм: скриншот с видео

Коньдон басьтэмен янгыше уськытэм Удмуртилэсь азьвыл кивалтӥсьсэ Александр Соловьёвез утись сое арес улэ басьтэмлы пумит ӝожтӥськон сётӥз. Иворъёсъя «Удмуртия» агентстволы со сярысь вераз янгыше уськытэмлэн адвокатэз Галина Гамбург. Тодэ вайытом, суд азьвыл кивалтӥсез кык толэзьлы пытсэтаз.

«Пытсэтанлы пумит ӝожтӥськонэз мон толон сётӥ. Москваысь кар судлэн судъян коллегияз кылзон нунал пусйымтэ на, возьмаськом», — вераз со.

Озьы ик со вераз, Александр Соловьёв ассэ умой шӧдэ шуыса: «Александр Васильевичез судын адӟыкум, со ассэ умой шӧдэ вал, тазалыкез вылэ ӧз ӝожтӥськы, но жадемын вал, угось быдэс нунал Следствиосъя комитетын ортчытӥз. Солэсь вирзӥбетсэ мертазы, со эсэпъя вал».

Галина Гамбурглэн верамезъя, со утёно муртэныз адӟиськыны лэзён басьтӥз ни. Соос вуоно арняе пумиськозы.

Тодэ вайытом, Удмуртилэсь азьвыл кивалтӥсьсэ 4-тӥ оштолэзе Ижкарын ӝегатӥзы. Кызьы ивортӥзы Россиысь Следствиосъя комитетын, Александр Соловьёвез 140 миллион манетлэсь трос взятка басьтэмен янгыше уськытӥзы.

Со нуналэ ик Россилэн азьмуртэз Владимир Путин сое улосвылэн кивалтонлэсь мозмытӥз.

Та темая вань иворъёсты лыдӟе «Удмуртилэсь тӧрозэ ӝегатон» сюжетысь


Наверх
Вниз