Ижкар+15 °C
3 -тӥ пӧсьтолэзь 2020 Удмуртарня
16+

Удмуртилэсь тӧрозэ дырызлэсь вазь быръёнъёс 10-тӥ куарусёнэ ортчыны быгатозы

  • 375
  • 0
Ижкар / Удмуртия
Удмуртилэсь тӧрозэ дырызлэсь вазь быръёнъёс 10-тӥ куарусёнэ ортчыны быгатозы
Туспуктэм: Григорий Фомин

Удмуртилэсь тӧрозэ дырызлэсь вазь быръёнъёс 10-тӥ куарусёнэ ортчыны быгатозы. Иворъёсъя «Удмуртия» агентстволэн корреспондентэзлы со сярысь веразы элькунысь Кун Кенешлэн пресс-службаяз.

Со пумысен пуктэтлэсь ӵектоссэ элькун парламентын эскерыны сётӥз кунэз лэсьтонъя но интыысь аскивалтонъя ӧри. Сое Кун Кенеше депутатъёсты озьы ик 10-тӥ куарусёнэ быръён сярысь ӵектосэн ӵош эскерозы.

Тодэ вайытом, Удмуртилэсь тӧрозэ 4-тӥ оштолэзе Александр Соловьёвез ӝегатӥзы. Солы пумит бадӟым взятка басьтон учыръя уголовной уж ӝутӥзы. Со нуналэ ик Россилэн азьмуртэз Владимир Путин улосвыл тӧролэсь ужзэ огдырлы быдэсъясе Александр Бречаловез юнматӥз.

«Единая Россия» партия ивортӥз ни, аслэсьтыз кандидатсэ праймериз пыр ӵектоз шуыса, нырысь-валысь куара сётонэз инвожо пумозь ортчытыны чакла.



Наверх
Вниз