Ижкар+6 °C
28 -тӥ куарусён 2020 Вордӥськон
18+

Быръёнъёс дыръя 10-тӥ куарусёнэ Удмуртиын куара сётыны луоз со вакытэ улон интыя

  • 362
  • 0
Ижкар / Удмуртия
Быръёнъёс дыръя 10-тӥ куарусёнэ Удмуртиын куара сётыны луоз со вакытэ улон интыя
Туспуктэм: Алексей Арзамасцев

Удмуртилы тӧроез но Кун Кенеше депутатъёсты быръён дыръя куара сётыны луоз отын, кытын адями улоз со вакытэ (элькунлэн интывылаз). 6-тӥ инвожое сыӵе пумкылъянэз кык лыдӟемен кутӥзы улосвыл парламентын.

Со понна быръёнъёсъя ӧрие куриськон азьвыл ик сётыны кулэ: быръён нуналозь 45 нуналлы азьпал, но тужгес берзэ — куара сётон нуналлэсь азьвыл кӧснуналэ 14 часозь. Озьы ик быръёнъёсъя ӧриын мукет интыын куара сётӥсьёслэсь лыдметсэс кылдытозы.

Соку элькун списокъя кандидатъёс понна гинэ кура сётыны луоз, одӥг мандатъем округъя мынӥсьёс понна озьы куара сётыны уз луы.

Тодэ вайытом, 2017-тӥ арын куарусёнэ куара сётонъя огъя нуналэ Удмуртиын Кун кенеше депутатъёсты но элькунлы тӧроез быръёнъёс ортчозы.

Кызьы валэктӥз Кун Кенешысь кунэз лэсьтонъя но интыысь аскивалтонъя ялан ужась ӧрилэн кивалтӥсез Наталья Кузнецова, Россиысь ЦИК ужрадэз ортчытон радлыкез дасялоз.

Удмуртиысь Быръёнъёсъя валтӥсь ӧрилэн тӧроез Виктор Кушко верамъя, бырйисьлэн куриськонэзъя солэн нимыз улон интыя куара сётӥсьёслэн лыдметысьтызы куштӥськоз но со вакытэ улон интыя лыдметэ пыртӥськоз. Куриськонэз гожтыны луоз паспортэз возьматыса, со вылын нимысьтыз утись «марка» луоз.



Наверх
Вниз