Ижкар+15 °C
3 -тӥ пӧсьтолэзь 2020 Удмуртарня
16+

Удмуртилы тӧроез дырызлэсь вазь быръёнъёс 10-тӥ куарусёнэ ортчозы

  • 334
  • 0
Ижкар / Удмуртия
Удмуртилы тӧроез дырызлэсь вазь быръёнъёс 10-тӥ куарусёнэ ортчозы
Туспуктэм: Григорий Фомин

Удмуртилы тӧроез дырызлэсь вазь быръёнъёс 10-тӥ куарусёнэ ортчозы. Туннэ, 6-тӥ инвожое, ортчем сессиын сыӵе пумкылъян кутӥзы элькунысь Кун Кенешлэн депутатъёсыз.

Со нуналэ ик улосвыл парламентэ депутатъёс понна куара сётон мыноз. Выль ӧтчамын соослэн лыдзы 90 интые 60 луоз.

Тодэ вайытом, 4-тӥ оштолэзе Россилэн азьмуртэз Владимир Путин улосвыл кивалтӥсез Александр Соловьёвез оскон быремен валче ужысьтыз мозмытӥз. Солы пумит уголовной уж ӝутэмын. Со нуналэ ик элькун тӧролэсь ужзэ огдырлы быдэсъясе Александр Бречаловез юнматӥзы.

Нялтас вераса, 19-тӥ куартолэзе улосвыл тӧролэсь ужзэ огдырлы быдэсъясь «Единая Россия» партилэн праймеризаз пыриськыны дась шуыса вераз. 5-тӥ инвожое партилэн улосвыл политсоветэз нырысь-валысь куара сётонэ кык кандидатураез ӵектӥз – Александр Бречаловез но Дэри ёрослэсь тӧрозэ Андрей Коняшинэз.

Ватсалом, улосвыллы тӧроез но Кун Кенеше депутатъёсты быръён дыръя Удмуртиын куара сётыны луоз элькунын со вакытэ улон интыя.

Вань иворъёсты лыдӟе «Удмуртилы тӧроез быръёнъёс – 2017» сюжетысь


Наверх
Вниз