Ижкар+15 °C
3 -тӥ пӧсьтолэзь 2020 Удмуртарня
16+

123 партиос но соослэн ёзэтъёссы Удмуртиын куарусёнэ быръёнъёсы кандидатъёссэс ӵектыны эрикрад басьтӥзы

  • 362
  • 0
Ижкар / Удмуртия
123 партиос но соослэн ёзэтъёссы Удмуртиын куарусёнэ быръёнъёсы кандидатъёссэс ӵектыны эрикрад басьтӥзы
Туспуктэм: Григорий Фомин

2017-тӥ арын 10-тӥ куарусёнэ Удмуртилы тӧроез но Кун Кенеше депутатъёсты быръёнъёсы пыриськыны быгатозы 123 партиос но соослэн улосвыл ёзэтъёссы. Лыдметэз Россиысь юстици министерстволэн элькунъя управлениезлэн нимлыко сайтаз шараязы.

Лыдметын кунысь парламентысь валтӥсь партиос: «Единая Россия», КПРФ, ЛДПР, «Справедливая Россия». Озьы ик оппозици кужымъёс но пыртэмын. Быдэс лыдметэн тодматскыны луэ чӧлсконпусъя.

Тодэ вайытом, Удмуртилы тӧроез но Удмуртилэн Кун Кенешаз депутатъёсты быръёнъёс 10-тӥ куарусёнэ ортчозы.

Удмуртилы тӧроез быръёнъёсы пыриськыны быгато быръён огазеяськонъёсын ӵектэм кандидатъёс гинэ. Кун Кенеше депутатъёсты быръёнъёсы ас мылкыд каремзыя ӵектӥськисьёс но пыриськыны быгато.

Партиос быръёнъёсы соослэсь пыриськись муртъёсты пусъён ужез кутскизы ни.

Кылсярысь, «Единая Россия» праймериз ортчытэ, отчы Удмуртилэн тӧроезлэсь ужзэ быдэсъясь Александр Бречалов но Дэри ёрослэн тӧроез Андрей Коняшин пырисько.

Удмуртилы тӧроез быръёнъёсын ЛДПР-лэсь кандидат луыны быгатоз партилэн улосвылъя координаторез, элькунысь парламентысь фракцилэн кивалтӥсез Тимур Ягафаров.

КПРФ-лэсь кандидатураосты ӵектон каръёсын но ёросъёсын мынэ. Коммунистъёс кандидатсэс юнматозы элькун ёзэтлэн конференцияз 26-тӥ инвожоысен 1-тӥ пӧсьтолэзёзь.

«Справедливая Россиялэсь» кандидатуразэ партилэн азьвалтэтэз инвожо пумын юнматоз.



Наверх
Вниз