100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

«Единая Россия» Удмуртиысь Кун Кенеш быръёнъёсы нырысетӥ куинь кандидатъёсты шараяз

  • 477
  • 0
Ижкар / Удмуртия
«Единая Россия» Удмуртиысь Кун Кенеш быръёнъёсы нырысетӥ куинь кандидатъёсты шараяз
Туспуктэм: Григорий Фомин

Туннэ, 19-тӥ инвожое, «Единая Россия» партилэн улосвыл ёзэтэзлэн политсоветэз ортчиз. Отын Кун Кенешлэн куатетӥ ӧтчамаз депутатъёсты быръёнъёсы элькунъя списоклэн нырысетӥ куинь чуръёсаз кандидатъёсты пыртон понна кура сётӥзы.

Лыдметлэн нырысетӥ чураз — улосвыл тӧролэсь ужзэ огдырлы быдэсъясь Александр Бречалов.

Кыкетӥ интыын — элькунысь йӧскалык политикая министрлэн воштӥсез, «Удмурт Кенеш» огазеяськонлэн тӧроез Татьяна Ишматова.

Куинетӥез кандидат — ожгар лэсьтӥськонъя 8 номеро валтӥсь управленилэн (ГВСУ № 8) кивалтӥсез, партилэн улосвыл ёзэтэзлэн секретарезлэн воштӥсез Алексей Прасолов.

Сыӵе список понна куаразэс сётӥзы политсоветлэн ваньмыз 32 ёзчиосыз.

Тодэ вайытом, Удмуртиысь Кун Кенешлэн куатетӥ ӧтчамаз депутатъёсты быръёнъёс 10-тӥ куарусёнэ ортчозы.

Та ужпумъя вань иворъёсты лыдӟе «Удмуртиысь Кун Кенеш быръёнъёс — 2017» сюжетысь


Наверх
Вниз