100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Удмуртиысь мер но экономика удысъёсты азинтон сярысь Александр Бречалов Валентина Матвиенкоен вераськиз

  • 366
  • 0
Москва / Удмуртия
Удмуртиысь мер но экономика удысъёсты азинтон сярысь Александр Бречалов Валентина Матвиенкоен вераськиз
Туспуктэм: пресс-служба Совета Федерации

21-тӥ инвожое Удмуртилэн тӧроезлэсь ужзэ огдырлы быдэсъясь Александр Бречалов Федераци кенешлэн тӧроеныз Валентина Матвиенкоен элькунысь мер но экономика удысъёсты азинтон ужпумъёс сярысь вераськиз. Со сярысь ивортэ улосвыл тӧролэн но кивалтэтлэн пресс-службазы.

Валентина Матвиенко Росси азьмуртлэсь «куартолэзь пуктэтъёссэ» быдэсъян сярысь юалляськиз. Александр Бречаловлэн верамезъя, куд-ог шугъяськонъёс кылдыло ке но, косонъёс пусъем дыре быдэстэмын луозы.

«Вань милям кылён но, куд-ог шугъяськонъёс, но соос сокем бадӟым ӧвӧл. Мон малпасько, косонъёсын пусъем дырлы ми вуттомы. Милям бадӟым сюлмаськонъёс куашкан калэ вуэм юртъёсын улӥсьёсты мукет интые выжтон ласянь. Озьы шуом, мон ревизия лэсьтӥ. Куд-ог ивортонъёс улонлы кӧня ке уг тупало шуыса вераны луэ. 1-тӥ куарусёнлы тыршомы, азьвыл пуктэм юртъёс куронъёслы тупамон мед луозы шуыса. Юанъёс вань уждунъя, но со милям гинэ ӧвӧл», — вераз Удмуртилэн тӧроезлэсь ужзэ огдырлы быдэсъясь.

Озьы ик со валэктӥз, али улосвылын уждунэз будэтон ужпум сэрттӥське-пертчиське шуыса.

«Малпасько, ми сое быгатомы. Быдэстонтэм ужпумъёс улосвыл азьын уг сыло», — йылпумъяз элькун кивалтӥсь.

Тодэ вайытом. Азьвылгес тодмо луиз, Александр Бречалов Удмуртиысь куашкан калэ вуэм юртъёсты эскеронлы кичӧлтон сётӥз шуыса.

Александр Бречалов Валентина Матвиенкоен Удмуртиысь мер но экономика удысъёсты азинтон сярысь вераськиз




Наверх
Вниз