Ижкар+15 °C
3 -тӥ пӧсьтолэзь 2020 Удмуртарня
16+

«Справедливая Россия» партия Удмуртилы тӧроез быръёнъёсы Фарид Юнусовез ӵектоз

  • 305
  • 0
Ижкар / Удмуртия
«Справедливая Россия» партия Удмуртилы тӧроез быръёнъёсы Фарид Юнусовез ӵектоз
Туспуктэм: Алексей Бакулев

«Справедливая Россия» партия Шор кенешезлэн азьвалтэтэз Фарид Юнусовлэсь кандидатуразэ Удмуртилы тӧроез быръёнъёсы ӵектон понна соглаштӥз. Со сярысь ивортэ «эсэръёслэн» пресс-службазы.

Фарид Юнусов партилэн улосвыл ёзэтэныз кивалтыны кутскиз кылем арын. Со элькунысь Кун Кенешлэн витетӥ ӧтчамезлэн депутатэз луэ но парламентысь мерлыко политикая ялан ужась ӧрие пыре.

Быръёнъёсы пыриськыны дась луэмез сярысь азьвылгес вераз вал Удмуртилэн тӧроезлэсь ужзэ быдэсъясь Александр Бречалов. Со Дэри ёрослэн тӧроеныз Андрей Коняшинэн ӵош «Единая Россия» партилэн праймеризаз пыриське. ЛДПР-лэн кандидатэз луоз Кун Кенешысь фракцилэн кивалтӥсез Тимур Ягафаров. КПРФ аслэсьтыз кандидатсэ 1-тӥ пӧсьтолэзёзь ӵектоз.

Тодэ вайытом, Удмуртилы тӧроез быръёнъёс 10-тӥ куарусёнэ ортчозы. Ас мылкыдзыя ӵектӥськисьёс отчы пыриськыны уз быгатэ.

Та темая вань иворъёсты лыдӟе «Удмуртилы тӧроез быръёнъёс – 2017» сюжетысь


Наверх
Вниз