Ижкар+15 °C
3 -тӥ пӧсьтолэзь 2020 Удмуртарня
16+

Удмуртилы тӧроез быръёнъёсы КПРФ-лэсь мыноз Владимир Бодров

  • 306
  • 0
Ижкар / Удмуртия
Удмуртилы тӧроез быръёнъёсы КПРФ-лэсь мыноз Владимир Бодров
Туспуктэм: kprf.ru

Элькунлы тӧроез быръёнъёсы КПРФ-лэсь кандидат луоз Кун Кенешысь депутат Владимир Бодров. Иворъёсъя «Удмуртия» агентстволы со сярысь ачиз вераз.

«Толон милям конференция вал. Нырысь ик ӵектон вал, собере лушкем куара сётон, солы йылпумъян — Бодров тӧролэн интыужаз кандидат луэ», — вераз политик.

Тодэ вайытом, али Удмуртиын «Единая Россия» партилэн праймеризэз ортче, отчы улосвыл тӧролэсь ужзэ быдэсъясь Александр Бречалов но Дэри ёрослэн тӧроез Андрей Коняшин пырисько. Мукет партиослэн кандидатъёссы тодмо ни. «Справедливая Россия» быръёнъёсы Фарид Юнусовез ӵектӥз, ЛДПР-лэсь Тимур Ягафаров мыноз, «Коммунистическая партия социальной справедливости» огазеяськон Андрей Ивановез дэмлаз.

Удмуртилы тӧроез дырызлэсь вазь быръёнъёс 10-тӥ куарусёнэ ортчозы, ас мылкыдзы ӵектӥськисьёс отчы пыриськыны уз быгатэ.

Та темая вань иворъёсты лыдӟе «Удмуртилы тӧроез быръёнъёс – 2017» сюжетысь


Наверх
Вниз