100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Александр Бречалов Удмуртилы тӧроез быръёнъёсы кандидатэ ӵектӥськон сярысь ужкагазъёсты сётӥз

  • 313
  • 0
Ижкар / Удмуртия
Александр Бречалов Удмуртилы тӧроез быръёнъёсы кандидатэ ӵектӥськон сярысь ужкагазъёсты сётӥз
Туспуктэм: TWITTER.COM (АЛЕКСАНДР БРЕЧАЛОВ)

Александр Бречалов Удмуртилы тӧроез быръёнъёсы кандидатэ ӵектӥськон сярысь ужкагазъёсты элькунысь быръёнъёсъя шор ӧрие сётӥз. Улосвыл кивалтӥсьлэсь ужъёссэ огдырлы быдэсъясь со сярысь ивортӥз 4-тӥ пӧсьтолэзе «ВКонтакте» мер вотэсын.

Солэн верамезъя, программазэ ньыль валтӥсь эсэпрадъёсты лыдэ басьтыса кылдытӥз: кылкутон, чылкыт сюлэмо луон, калыклы шара луон но пайдалык.

«Сое мон лыдэ басьтӥсько аслам ужам, сое курисько ужасьёсызлэсь но, со ик валтӥсез луыны кулэ калыкен но ужбергатонэн ужанын», — пусйиз Александр Бречалов ивортоназ.

Солэн кылъёсызъя, программаын пусъемын 10 валтӥсь удысъёс, кудъёсызъя со ужез радъяны малпа: экономика, жилищно-коммунальной возёс, сюресъёс, басьтыны вормымон улон инты, гурт возёс, тазалык, дышетон, мерлыко юрттэт, мугорез кылдытон но спорт, лулчеберет.

Тодэ вайытом, «Единая Россия» партилэн улосвыл ёзэтэзлэн толон ортчем конференцияз Александр Бречаловез элькунлы тӧроез быръёнъёсы кандидатэ бырйизы. Солы дурбасьтӥзы 251 пӧлысь 233-ез делегатъёс. Озьы ик Удмуртилэн тӧроезлэсь ужзэ огдырлы быдэсъясь улосвыллэн Кун Кенешаз депутатъёсты быръёнъёсын партилэн лыдметэзлэн нырысетӥ чураз.

Та темая вань иворъёсты лыдӟе «Удмуртилы тӧроез быръёнъёс – 2017» сюжетысь


Наверх
Вниз