100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

8 адями вожвылъяськоз Удмуртилэн тӧроезлэн интыез понна

  • 302
  • 0
Ижкар / Удмуртия
8 адями вожвылъяськоз Удмуртилэн тӧроезлэн интыез понна
Туспуктэм: Григорий Фомин

Элькунысь Быръёнъёсъя валтӥсь ӧрие Удмуртилэн тӧроезлэн интыяз кандидатуразэс ӵектэм сярысь 8 адями ивортӥз. Иворъёсъя «Удмуртия» агентстволы со сярысь вераз ӧрилэн секретарез Олег Пырегов.

Удмуртиысь Быръёнъёсъя валтӥсь ӧрие ужкагазъёссэс сётӥзы: Александр Бречалов («Единая Россия»), Владимир Бодров (КПРФ), Павел Бутченко («Партия Возрождения России»), Андрей Иванов («Коммунистическая партия социальной справедливости»), Олег Овчинников (ПАРНАС), Фарид Юнусов («Справедливая Россия»), Тимур Ягафаров (ЛДПР) но Людмила Ниязова («Партия налогоплательщиков России»).

Кандидат луыса пусйиськон понна соос 16–26 пӧсьтолэзе элькунысь ЦИК-е муниципал депутатъёслэсь кинюртэмъёссэс вайыны кулэ. Соиз яке таиз политик понна ӧжытсэ 7 процентэз калыкен быръемъёс дурбасьтыны кулэ.

Кинюртэмъёсты ваем бере ужкагазъёсты эскерыны но вожвылъяськисез быръёнъёсы кандидатэз сямен пусйыны ЦИК-лы 10 нунал сётӥське.

Тодэ вайытом, Удмуртилы тӧроез дырызлэсь вазь быръёнъёс 10-тӥ куарусёнэ ортчозы.



Наверх
Вниз