100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Александр Бречалов Удмуртилэн тӧроезлэн интыужаз кандидат сямен пусйиськыны ужкагазъёс сётӥз

  • 311
  • 0
Ижкар / Удмуртия
Александр Бречалов Удмуртилэн тӧроезлэн интыужаз кандидат сямен пусйиськыны ужкагазъёс сётӥз
Туспуктэм: ПРЕСС-СЛУЖБА УДМУРТСКОГО РЕГИОНАЛЬНОГО ОТДЕЛЕНИЯ ПАРТИИ "ЕДИНАЯ РОССИЯ"

Александр Бречалов Удмуртилэн тӧроезлэн интыужаз кандидат сямен пусйиськыны вань кулэ луись ужкагазъёсты улосвылысь Быръёнъёсъя валтӥсь ӧрие сётӥз. Со сярысь 21-тӥ пӧсьтолэзе ивортӥзы «Единая Россия» партилэн улосвыл ёзэтэзлэн пресс-службаяз.

Тодэ вайытом, элькун кивалтӥсез дырызлэсь вазь быръёнъёс Удмуртиын 10-тӥ куарусёнэ ортчозы.

Пресс-служба ивортэмъя, Александр Бречалов элькунысь муниципалитетъёслэн кенешъёсысьтызы депутатъёслэн кинюртэмъёсынызы кагазъёсты сётӥз. Улосвыл катрадлыкъя, кинюртэмъёслэн лыдзы вань со депутатъёс пӧлысь 7 процентэзлэн луыны кулэ. Ужкагазъёс вуэм бере 10 нуналскын Быръёнъёсъя валтӥсь ӧри кандидатэз пусъён сярысь пумкылъян кутоз.

«Муниципалитетъёлэн депутатъёссылы оскемзы но дурбасьтэмзы понна тау карисько. Милям валтӥсь ужпуммы — улосвылмылэн дэлетлыкез понна ӵошен, командаен ужан», — вераз Александр Бречалов.

Тодэ вайытом, элькунлэн тӧроезлэн интыужаз ас кандидатуразэс ӵектэм сярысь Быръёнъёсъя валтӥсь ӧрие тямыс адями ивортӥз.

Удмуртиысь Быръёнъёсъя валтӥсь ӧрие ужкагазъёс сётӥзы: Александр Бречалов («Единая Россия»), Владимир Бодров (КПРФ), Павел Бутченко («Партия Возрождения России»), Андрей Иванов («Коммунистическая партия социальной справедливости»), Олег Овчинников (ПАРНАС), Фарид Юнусов («Справедливая Россия»), Тимур Ягафаров (ЛДПР) но Людмила Ниязова («Партия налогоплательщиков России»).

Кандидатъёсын люкам кинюртэмъёсты ЦИК-е сётон дыр 26-тӥ пӧсьтолэзе йылпумъяське.



Наверх
Вниз