100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Удмуртиысь ЦИК Кун Кенеше быръёнъёсы куинь партиослэсь лыдметъёссэс пусйыны пумит луиз

  • 333
  • 0
Ижкар / Удмуртия
Удмуртиысь ЦИК Кун Кенеше быръёнъёсы куинь партиослэсь лыдметъёссэс пусйыны пумит луиз
Туспуктэм: Григорий Фомин

8-тӥ гудырикошконэ Удмуртиысь Быръёнъёсъя валтӥсь ӧри Кун Кенеше депутатъёсты быръёнъёсы пыриськон понна куинь партиослэсь элькун лыдметъёссэс пусйыны пумит луиз.

Кызьы ивортэ ӧрилэн пресс-службаез, «Партия социальных реформ» огазеяськонлэсь лыдметсэ пусйыны пумит луизы кандидатъёсты ӵектонлы дурбасьтон кагазъёсты шонертэм гожъямен сэрен, «Партия народной свободы» огазеяськонлэсь — кандидатъёсын элькун лыдметэз пусъён понна ужкагазъёсты сётымтэен, «Партия возрождения России» огазеяськонлэсь — ужоскето ёзэс лыдметэз берыктон сярысь пумкылъян кутэмен сэрен.

Озьыен, Удмуртиысь Кун Кенеше быръёнъёсы азьвыл пусъем куать партиос пыриськозы — «Родина», «Справедливая Россия», «Единая Россия», ЛПДР, КПРФ но «Коммунисты России». Соослэн лыдметъёссыя 416 кандидатъёс пусъемын.

Со сяна, одӥг мандатъем быръён округъёсъя 137 кандидатъёс пусъемын, соос озьы ик куать партиосын ӵектэмын. Озьы ик соос пӧлы пыризы ас кожазы ӵектӥськем муртъёс — Софья Широбокова, Владимир Варламов, Алексей Зверев, Сергей Зуев, Олег Кочуров но Денис Анищук.

Тодэ вайытом, Удмуртиысь Кун Кенешлэсь куаетӥ ӧтчамзэ быръёнъёс 10-тӥ куарусёнэ ортчозы.



Наверх
Вниз