100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Удмуртилы тӧроез но Кун Кенеше депутатъёсты быръё элькунын улӥсьёс 10-тӥ куарусёнэ

  • 256
  • 0
Ижкар / Удмуртия
Удмуртилы тӧроез но Кун Кенеше депутатъёсты быръё элькунын улӥсьёс 10-тӥ куарусёнэ
Туспуктэм: ИА "Удмуртия"

Туннэ, 10-тӥ куарусёнэ, Удмуртиын улӥсьёс улосвыллы тӧроез но Кун Кенеше депутатъёсты быръё. 

8 часын элькунын 1 сюрс 205 быръён участокъёс усьтӥськизы. Куара сётыны луоз 20 часозь.

Тодэ вайытом, улосвыл парламентлэн куатетӥ ӧтчамез 30 адямилы ӧжытгес луоз. Быръем депутатъёслы выль кивалтӥсез — Удмуртилэн Кун Кенешезлэсь тӧрозэ быръёно луозы.

Кин вожвылъяське элькун парламентэ тӥляд округдыя, тодыны луоз иворъёсъя «Удмуртия» агентстволэн материалысьтыз.

Нош Удмуртилы тӧроез быръёнъёс дырызлэсь вазь ортчо. Соосты радъяны кулэ луиз 2017-тӥ арын 4-тӥ оштолэзе Владимир Путин улосвыл кивалтӥсез Александр Соловьёвез оскон ышемен валче ужысьтыз мозмытэм бере. Со нуналэ ик Россилэн азьмуртэз Удмуртилэн тӧроезлэсь ужзэ огдырлы быдэсъясе Александр Бречаловз юнматӥз.

Со сяна, 10-тӥ куарусёнэ ватсаса быръёнъёс ортчо Вавож, Вотка, Глаз, Грак, Дэбес, Эгра, Каракулино, Кез, Кизнер, Шаркан, Якшур-Бӧдья ёросъёсын интыысь кенешъёсы депутатъёсты быръёнъёс мыно.

Иворъёсъя «Удмуртия» агентствоысь журналистъёс трансляциын вералозы, кызьы ортчо быръёнъёс Ижкарын, Уваын, Дэбесын но мукет интыосын. Озьы ик куара сётонлэн мынэмез сярысь элькунысь Быръёнъёсъя валтӥсь ӧриысь ивортонъёсты тодыны луоз.

«Удмуртилы тӧроез быръёнъёс-2017» но «Удмуртиысь Кун Кенеше быръёнъёс-2017» сярысь иворъёс.



Наверх
Вниз