Ижкар+12 °C
10 -тӥ куартолэзь 2021 Вордӥськон
18+

Удмуртиысь гурт возёсъя министрлэсь ужзэ быдэсъясь Александр Прохоров интыужысьтыз кошкиз

  • 488
  • 0
Ижкар / Удмуртия
Удмуртиысь гурт возёсъя министрлэсь ужзэ быдэсъясь Александр Прохоров интыужысьтыз кошкиз
Туспуктэм: Григорий Фомин

Удмуртиысь гурт возёсъя но сиён-юонъя министрлэсь ужзэ быдэсъясь Александр Прохоров интыужысьтыз кошкиз. Со сярысь ивортонэз «Удмуртия» агентстволы зэматӥз элькун тӧролэн но кивалтэтлэн пресс-службазылэн кивалтӥсез Екатерина Волкова.

Бен, Прохоров ас мылкыд каремезъя куриськон гожтӥз, Александр Владимирович (Бречалов, Удмуртилэн тӧроез - ред.) сое кутӥз
Екатерина Волкова, Удмуртилэн тӧроезлэн пресс-секретарез

Тодэ вайытом, Александр Прохоров Удмуртиысь гурт возёсъя но сиён-юонъя министерствоен 2015-тӥ арысь гудырикошконысен кивалтӥз.

ВАТСАН

Прохоров Александр Аркадьевич. 
Вордӥськиз Шаркан ёросысь Гондырвай гуртын 1955-тӥ арын 24-тӥ толшоре. Дышетскемез вылӥ. 1980-тӥ арын Ижкарысь гурт возёсъя институтэз «Механизация сельского хозяйства» ӧнеръя йылпумъяз, 1988-тӥ арын — Свердловскысь вылӥ партийной школаез. 
1972–1973 аръёсы — Шаркан ёросысь Пушкин нимо колхозын рядовой;
1973–1975 аръёсы — Совето Армиын служба нуиз;
1975–1980 аръёсы — Ижкарысь гурт возёсъя институтын дышетскиз;
1980–1981 аръёсы — Балтач (Нижние Кивары) гуртысь шоръёзо школаын машиноведениея дышетӥсь;
1981–1986 аръёсы — ВЛКСМ-лэн Шаркан ёросъя комитетаз радъясь ёзэтлэн кивалтӥсез, нырысетӥ секретарез;
1986–1988 аръёсы — Свердловскысь вылӥ партийной школалэн очной ёзэтаз кылзӥсь;
1988–1989 аръёсы — «Путь Ленина» газетлэн редакторезлэсь ужзэ быдэсъясь, редактор;
1989–1990 аръёсы — КПСС-лэн Шаркан ёросъя комитетэзлэн секретарез;
1990–1990 аръёсы — КПСС-лэн Шаркан ёросъя комитетэзлэн кыкетӥ секретарез;
1990–1991 аръёсы — КПСС-лэн Шаркан ёросъя комитетэзлэн нырысетӥ секретарез;
1991–1998 аръёсы — Шаркан ёросысь «Идеал» фирмалэн кивалтӥсезлэн воштӥсез;
1998–2003 аръёсы — Шаркан ёрос администрацилэн тӧроез;
2003–2006 аръёсы — «Шаркан ёрос» муниципал кылдытэтлэн администрациезлэн тӧроез;
2006–2015 аръёсы — «Шаркан ёрос» муниципал кылдытэтлэн тӧроез;
2015–2017 аръёсы — Удмуртиысь гурт возёсъя но сиён-юонъя министр;
2017-тӥ арын оштолэзьысен шуркынмонозь — Удмуртиысь гурт возёсъя но сиён-юонъя министрлэсь ужзэ быдэсъясь.


Наверх
Вниз