Ижкар+1 °C
13 -тӥ оштолэзь 2021 Пуксён
18+

Удмуртиысь гурт возёсъя министрлэсь ужзэ быдэсъясе Ольга Абрамова юнматэмын

  • 417
  • 0
Ижкар / Удмуртия
Удмуртиысь гурт возёсъя министрлэсь ужзэ быдэсъясе Ольга Абрамова юнматэмын
Туспуктэм: VK.COM/A.BRECHALOV

Удмуртиысь гурт возёсъя но сиён-юонъя министрлэсь ужзэ быдэсъясе Ольга Абрамова юнматэмын. Со сярысь туннэ, 1-тӥ тулыспалэ, ВКонтакте вотэсысь бамаз ивортӥз элькунлэн тӧроез Александр Бречалов.

Ольга Викторовна Абрамова Удмуртиысь гурт возёсъя министрлэсь ужзэ быдэсъясе юнматэмын, со улонысьтыз 10 арлэсь троссэ Элькунысь агропром огъетэз азинтыны сётӥз
Александр Бречалов, Удмуртилэн тӧроез

Берло кык аръёсы Ольга Абрамова «Агрокомплекс «Бабинский» огазеяськонэн кивалтӥз.


Тодэ вайытом, Удмуртиысь гурт возёсъя но сиён-юонъя азьвылэз министр Александр Прохоров кылем арын шуркынмонэ ужысьтыз кошкиз. 2 но ӝыны толэзь ӵоже министрлэсь ужзэ быдэсъяз солэн нырысетӥ воштӥсез Алексей Вихарев.

ВАТСАН

Абрамова Ольга Викторовна. Вордӥськиз 1981-тӥ арын 23-тӥ шуркынмонэ Сарапул ёросысь Сигаево черкогуртын.  
Дышетскемез вылӥ. Йылпумъяз Сарапулысь аграрно-экономической колледжез («Экономика, бухгалтерский учет и контроль» ӧнеръя), Удмурт кун университетэз («Основы юриспруденции и российского законодательства» программая), Кун службая Урал академиез («Государственное и муниципальное управление» ӧнеръя), Москваысь статистика экономикая но информатикая институтэз (бухгалтерский учет, анализ и аудит). 
2004–2006 аръёсы — Сарапулысь аграрно-экономической колледжын заочной ёзэтэлэн кивалтӥсез (Сигаево черкогурт);  
2006–2008 аръёсы — «Агропромышленная компания «Удмуртия» огазеяськонын валтӥсь экономист (Сарапул); 
2006–2009 аръёсы — «Сарапул ёрос» муниципал кылдытэтысь Депутатъёслэн кенешысьтызы депутат;  
2008–2009 аръёсы — «Aгропромышленная компания «Удмуртия» огазеяськонлэн кивалтӥсез (Сарапул); 
2009-тӥ арын — «Завьяловский» кооперативлэн быдэсъясь кивалтӥсез (Дэри черкогурт); 
2009–2012 аръёсы — Удмурт Элькунысь гурт возёсъя но сиён-юонъя министерствоысь экономикая ёзэтлэн кивалтӥсез; 
2012–2014 аръёсы — Удмурт Элькунысь Кивалтэтлэн Тӧроезлэн воштӥсезлэн секретариатэныз кивалтӥсь; 
2014–2016 аръёсы — «КОМОС ГРУПП» огазеяськон (Ижкар), Агропром огъетэз азинтонъя управленилэн кивалтӥсезлэн воштӥсез, ӵектосъёсын кивалтӥсь;  
2016-тӥ арысь коньывуонысен — «Агрокомплекс «Бабинский» огазеяськонлэн кивалтӥсез (Дэри ёрос).


Наверх
Вниз