Ижкар+1 °C
13 -тӥ оштолэзь 2021 Пуксён
18+

Россилы азьмуртэз быръёнъёсын куара сётон понна участокъёс усьтӥськизы Удмуртиын

  • 407
  • 0
Ижкар / Удмуртия
Россилы азьмуртэз быръёнъёсын куара сётон понна участокъёс усьтӥськизы Удмуртиын
Туспуктэм: ИА «Удмуртия»

8 часын Удмуртиын Россилы азьмуртэз быръёнъёсын куара сётон понна участокъёс усьтӥськизы. Элькунын оглом 1 сюрс 204 участокъёс.

Озьы ик ужаны кутскиз куара сётонэз чакланъя ситуационной центр. Кызьы вераз кунмуртъёслэсь быръён эрикрадзэс быдэстонэз чакланъя ужась группалэн кивалтӥсез Рашид Хуснутдиов, чакласьёс ивортӥзы, улосвылын ваньмыз участокъёс усьтӥськизы шуыса.

Ситуационной центрын 20 чакласьёс ужало. Видеокамерос юрттэмен соос участокъёсысь югдурез эскерыса возё. Со сяна, вить операторъёс «ӟырдыт линиын» ужало, отчы чакласьёс но, огшоры кунмуртъёс но жингыртыны быгато.

«Ӟырдыт линилэн» номерез: 8 800 350 18 03

Таяз быръёнъёсын элькунын 1 миллион 200 сюрс адямилэн куара сётыны эрикрадэз вань, 41 процентэз бырйисьёс Ижкарын уло.

Кара сётыны луоз 20 часозь. Асьтэ быръён участоктэс Россиысь ЦИК-лэн сервисэз пыр шедьтыны луоз

Ватсалом, та нуналэ ик элькунын улӥсьёс мер интыос пӧлысь умоятыны кулэ луись интыосты быръёзы. Ижкарын улӥсьёслы 15 мер интыос понна куаразэс сётыны ӵекто. 



Наверх
Вниз