Ижкар+1 °C
13 -тӥ оштолэзь 2021 Пуксён
18+

Игорь Титов Удмуртиысь тазалыкез утёнъя министре юнматэмын

  • 663
  • 0
Ижкар / Удмуртия
Игорь Титов Удмуртиысь тазалыкез утёнъя министре юнматэмын
Туспуктэм: Григорий Фомин

Удмуртилэн тӧроез Александр Бречалов улосвылысь тазалыкез утёнъя министре Игорь Титовез юнматон сярысь пуктэтэз кинюртӥз. Со сярысь ужкагаз элькун тӧролэн но кивалтэтлэн нимлыко сайтазы шараямын.

Контракт улосвыл тӧро ужоскетъёссэ быдэсъян дырлы чакламын.

Ватсалом, 2017-тӥ арысь толсурысен Игорь Титов Удмуртиысь тазалыкез утёнъя министрлэсь ужзэ быдэсъясь вал.

ВАТСАН

Титов Игорь Георгиевич.

Вордӥськиз Удмурт АССР-ысь Кизнер ёросысь Айдуан-Чабья гуртын 20-тӥ инвожое 1962-тӥ арын. 

1985-тӥ арын Челябинскысь кун эм институтысь лечебной факультетэз йылпумъяз, 1987-тӥ арын — Томскысь эм институтысь ожгар эм факультетэз, 1999-тӥ арын — С. М. Киров нимо ожгар эм факультетысь кивалтонъя огинэтлэсь (составлэсь) факультетсэ. Эм службаысь отставкаысь полковник, ожгар ужрадъёсысь ветеран.

  • 1981-тӥ арын — Катав-Ивановскысь приборостроительной заводын электротӥрлыкез тупатонъя электромонтёр;
  • 1987–1996 аръёсы — 98 номеро омыр десант дивизилэн частьысьтыз эм службалэн кивалтӥсез; Омыр десант кужымъёслэн 242-тӥ Дышетон центрзы;
  • 1999–2001 аръёсы — Псковысь 76 номеро омыр десант дивизиысь эм службалэн кивалтӥсез, Ленинград ожгар округ;
  • 2001–2002 аръёсы — Омыр десант войскоослэн командованиысьтыз эм службаысь старший офицер;
  • 2006–2011 аръёсы — Москваысь Наивной искусствоя музейлэн кивалтӥсезлэн воштӥсез;
  • 2011–2012 аръёсы — Росси Федерациысь Обороная министерстволэн «Анапский» санаториезлэн «Баргузин» шутэтскон юрт» ёзэтэзлэн кивалтӥсез;
  • 2012–2017- аръёсы — Росси Федерациысь Обороная министерстволэн «Подмосковье» санаториезлэн кивалтӥсез;
  • 2017–2018 аръёсы — Удмуртиысь тазалыкез утёнъя министрлэсь ужзэ быдэсъясь.



Наверх
Вниз