Ижкар+1 °C
13 -тӥ оштолэзь 2021 Пуксён
18+

Анастасия Муталенкоез Удмуртиысь кивалтэтлэн тӧроезлы воштӥсе юнматӥзы

  • 600
  • 0
Ижкар / Удмуртия
Анастасия Муталенкоез Удмуртиысь кивалтэтлэн тӧроезлы воштӥсе юнматӥзы
Туспуктэм: Григорий Фомин

Анастасия Муталенкоез Удмуртиысь кивалтэтлэн тӧроезлы воштӥсе юнматӥзы. Со сярысь ивортэмын улосвыл тӧрлыкъёслэн нимлыко сайтазы.

Муталенкоез вице-премьере юнматон сярысь пуктэтэз Удмуртилэн тӧроез Александр Бречалов 25-тӥ оштолэзе кинюртӥз.

Тодэ вайытом, 2017-тӥ арысь коньывуонысен со кивалтэтлэн тӧроезлэн воштӥсезлэсь ужзэ быдэсъясь вал но мерлыко ӧр понна кылкутӥз.

ВАТСАН  
Муталенко Анастасия Александровна. Вордӥськиз Харьковын 1984-тӥ арын 29-тӥ шуркынмонэ. 2006-тӥ арын Москваысь лэсьтӥськонъя кун университетэз «Экспертиза и управление недвижимостью» ӧнеръя йылпумъяз. 
2007-тӥ арын — «Дефшоф» огазеяськонын ужпӧрез дасянъя ёзэтысь инженер, Москва; 
2007–2009 аръёсы — «Дефшоф» огазеяськонын ужпӧръя но техникая ёзэтысь инженер, Москва; 
2009–2011 аръёсы — «Аэродромдорстрой-А» огазеяськонын 1-тӥ категориен инженер, Москва;  
2011-тӥ арын — «Энергокаскад» огазеяськонын капитальной лэсьтӥськонъя Ванкор департаментысь планово-договорной ёзэтын инженер, Москва;  
2001-тӥ арын — «Энергокаскад» огазеяськонын ужпӧръя но техникая группаын бухучётъя ёзэтын инженер, Москва; 
20011-тӥ арын — «Энергокаскад» огазеяськонын йылпумъямтэ ужпӧрез (НЗП) кылдытонъя группаысь бухгалтериысь ёзэтын инженер, Москва; 
2011–2014 аръёсы — «Транскомплектстрой» огазеяськонын сметно-договорной ёзэтын инженер-сметчик, Москва;  
2014–2015 аръёсы — «За честные закупки» фондысь чаклан-эскерон ужъя ёзэтлэн кивалтӥсез, Москва; 
2015–2016 аръёсы — «За честные закупки» фондлэн чаклан-эскерон ужъя быдэсъясь директорлэн воштӥсез, Москва; 
2016–2017 аръёсы — «За честные закупки» фондлэн администрациезлэн ёзаз быдэсъясь кивалтӥсь, Москва;  
2017-тӥ арын — Удмуртиысь «Фармация» кун предприятилэн кивалтӥсез, «Аптеки Удмуртии» кун предприятилэн кивалтӥсез, Ижкар;  
2017-тӥ арысь коньывуонысен — Удмурт Элькунысь Кивалтэтлэн тӧроезлэн воштӥселэсь ужзэ быдэсъясь.


Наверх
Вниз