Ижкар+1 °C
13 -тӥ оштолэзь 2021 Пуксён
18+

Ижкарлэн тӧроез Юрий Тюрин интыужысьтыз кошкиз

  • 517
  • 0
Ижкар / Удмуртия
Ижкарлэн тӧроез Юрий Тюрин интыужысьтыз кошкиз
Туспуктэм: Алексей Бакулев

Ижкарлэн тӧроез Юрий Тюрин отставкае кошкиз. Со сярысь «ВКонтакте» вотэсысь бамаз ивортӥз Удмуртилэн тӧроез Александр Бречалов.

«Туннэ Ижкарлэн тӧроез Юрий Тюрин ас мылкыд каремезъя отставкае кошкон сярысь куриськон гожтӥз. Ми соин арлэсь кемагес ужамы, та опыт понна мон солы тау карисько», — гожтӥз улосвыл кивалтӥсь.

Озьы ик со Тюринлы «бадӟым опытсэ выль ӵектосъёсын улонэ пыӵатыны» сӥзиз.

Кар думалэн тӧроез Олег Гарин верамъя, али тодмо ӧвӧл на, ку ортчоз депутатъёслэн азьвыл чакламтэ сессизы, кытын Юрий Тюринлэсь инытужысьтыз кошконзэ юнматозы, али тодмо ӧвӧл на.  

Кызьы веразы ивортодэтъя «Удмуртия» агентстволы карлэн пресс-службаяз, Ижкарлэн тӧроезлэсь ужзэ быдэсъялоз кар администрацилэн тӧроезлэн нырысетӥ воштӥсез Сергей Задорожный.

Азьвылгес ивортӥзы вал, табере Ижкарлэсь тӧрозэ конкурс амалэн быръёзы шуыса. Сыӵе пумкылъянэз Кар думаысь депутатъёс 2018-тӥ арын 15-тӥ тулыспалэ ортчем сессиязы кутӥзы.

ВАТСАН

Юрий Александрович Тюрин. Вордӥськиз Ульяновск улосвылысь Ульяновск ёросысь Ишеевка каргуртын. 1979-тӥ арын Ульяновскысь политехника институтэз «энергоснабжение промышленных предприятий» ӧнеръя йылпумъяз. 
1979–1995 аръёсы — «Ижсталь» огазеяськонын электромонтёр, сменалэн кивалтӥсез, мастер, электроремонтной цехлэн кивалтӥсез, парткомлэн инструкторез луыса ужаз; 
1995–2003 аръёсы — «Ижсталь» огазеяськонын валтӥсь энергетик; 
2005–2013 аръёсы — «Ижсталь» огазеяськонын техникая директор; 
2013-тӥ арысен 2015-тӥ арысь коньывуонозь — «Ижсталь» огазеяськонын валтӥсь энергетик; 
2015-тӥ арысен — Ижкарлэн тӧроез.


Наверх
Вниз