Ижкар-6 °C
30 -тӥ шуркынмон 2020 Вордӥськон
18+

Ижкарлы тӧроез быръёнъя конкурс ялӥзы

  • 346
  • 0
Ижкар / Удмуртия
Ижкарлы тӧроез быръёнъя конкурс ялӥзы
Туспуктэм: Михаил Шустов

15-тӥ куартолэзе Ижысь Кар дума азьвыл чакламтэ сессияз муниципал кылдытэтлы тӧроез быръёнъя вожвылъяськон ялӥз.

Озьы ик кенешонын кандидатъёсты быръёнъя ӧрилэсь ёзчиоссэ юнматӥзы. Кар думалэсь отчы пыризы депутатъёс: КПРФ фракцилэн кивалтӥсез Мария Бобылева, интыысь аскивалтонъя, ивортодэт политикая но калыкен кусыпъёсъя ялан ужась ӧрилэн тӧроез Альфред Зинатуллин, коньдэтъя но коньдон ужпумъёсъя ялан ужась ӧрилэн тӧроез Константин Котов, ЛДПР фракцилэн кивалтӥсез Дмитрий Кулишов, экономика политикая, промышленностья но ужбергатонъя ялан ужась ӧрилэн тӧроез Дмитрий Никонов но жилищно-коммунальной возёсъя но инфраструктураез азинтон ужпумъёсъя ялан ужась ӧрилэн тӧроез Сергей Сурнин.

Конкурс ӧриын элькунлэсь ужалозы: Удмуртиысь тӧролэн но кивалтэтлэн администрацизылэн кивалтӥсез Сергей Смирнов, элькун тӧролэн но кивалтэтлэн администрацизылэн кивалтӥсезлэн воштӥсез Вероника Лекомцева, Россилэн Кун Думаысьтыз депутат Алексей Загребин, Удмуртилэн Кун Кенешысьтыз депутат Александр Прозоров, Ижысь электромеханикая «Купол» заводлэн кивалтӥсез Фанил Зиятдинов но УдГУ-ысь Экономикая но кивалтонъя институтысь экономикалэн теориезъя кафедралэн кивалтӥсез Олег Боткин.

Ижкарлэн тӧроезлэн интыужаз куриськонъёсты кутон 18–28 куартолэзе мыноз. Ачиз вожвылъяськон карлэн адяминистрацияз 8-тӥ инвожое 10 часын кутскоз. Пусъём, муниципалитетлэн выль кивалтӥсез 2020-тӥ арысь сӥзьылозь ужалоз.

Тодэ вайытом, 10-тӥ куартолэзе Ижысь Кар дума азьвыл тӧролэсь Юрий Тюринлэсь отставказэ кутӥз. Со 3-тӥ куартолэзе ас мылкыд каремзъя ужысьтыз кошкон сярысь куриськон гожтӥз. Али муниципалитетлэн кивалтӥсезлэсь ужзэ быдэсъя кар администрацилэн нырысетӥ воштӥсез Серегй Задорожный.

Кар думалэн тӧроез Олег Гарин вераз вал, карлы кивалтӥсез 12-тӥ инвожоозь юнматэмзы потэ шуыса.



Наверх
Вниз