Ижкар+1 °C
13 -тӥ оштолэзь 2021 Пуксён
18+

Алексей Заметаев Вотка карлэн тӧроез луиз

  • 568
  • 0
Вотка / Удмуртия
Алексей Заметаев Вотка карлэн тӧроез луиз
Туспуктэм: vk.com (Воткинск онлайн)

Вотка карлэн выль тӧроез Алексей Заметаев луиз. Со сярысь ивортэ карлэн пресс-службаез.

Туннэ, 5-тӥ инвожое, Воткаысь Кар думалэн азьвыл чакламтэ сессиез ортчиз. Тӧро интые куинез ик кандидатъёс — Алексей Заметаев, ужбергатӥсь Антон Гусев но Ижысь ипподромлэн кивалтӥсез Юрий Захаров депутатъёсты асьсэ программаенызы тодматӥзы. Собере лушкем амалэн куара сётон ортчиз. Заметаев понна 19 депутатъёс куаразэс сётӥзы.

Тодэ вайытом, карлы тӧрое кандидатъёслэн лыдметазы нырысь ик 10 адями вал.

Воткалэсь азьвыл тӧрозэ Владимир Перевозчиковез Удмуртилэн тӧроез Адександр Бречалов «осконлык ышемен» валче 13-тӥ толшоре ужезлэсь мозмытӥз . 18-тӥ толшорысен карен кивалтӥсьлэсь ужзэ быдэсъяз Вотка кар администрацилэн тӧроезлэн экономикая, коньдон ужъёсъя но инвестициосъя воштӥсез Ольга Сорокина.

ВАТСАН

Заметаев Алексей Владимирович. Вордӥськемын 1-тӥ инвожое 1965-тӥ арын Казахстанын. Дышетскиз Ижысь механикая институтлэн Воткаысь филиалаз «Технология машиностроения, металлорежущие станки и инструменты» ӧнеръя но Россиысь Кунпуш ужъёсъя министерстволэн управлениезлэсь академизэ (Москва) «Юриспруденция» ӧнеръя. 
1986-тӥ арын — Воткаысь машинаос лэсьтонъя заводын дворник-сторож; 
1986-тӥ арын — Воткаысь машинаос лэсьтонъя заводлэн профкомаз тренер-преподаватель; 
1986–1992 аръёсы — Удмурт АССР-ысь Кунпуш ужъёсъя министерстволэн ёзэсъёсаз служба нуиз; 
1992–1994 аръёсы — Удмурт АССР-ысь Воткаысь кар кенешлэн исполкомезлэн тӧроезлэн воштӥсез, горисполкомлэн тӧроезлэн нырысетӥ воштӥсез; 
1994–2005 аръёсы — Удмурт Элькунысь Кунпуш ужъёсъя министерстволэн ёзэсъёсаз служба нуиз; 
2005–2009 аръёсы — Росси Федерациысь Йырсазез усыкмытӥсь суретъёсты бергатонэз чакланъя федерал ёзэслэн Удмурт Элькунъя управлениезлэн кивалтӥсезлэн юрттӥсез, кадръёсъя ёзэтлэн кивалтӥсез, Управленилэн кивалтӥсезлэн воштӥсез; 
2009-тӥ арысен — «Вотка ёрос» муниципал кылдытэтлэн администрациезлэн тӧроезлэн воштӥсез, Администрацилэн тӧроезлэн экономика ужпумъёсъя воштӥсез.


Наверх
Вниз