Ижкар+12 °C
10 -тӥ куартолэзь 2021 Вордӥськон
18+

500-лэсь трос куриськонъёс вуизы «Удмуртилэн командаез» вожвылъяськонэ

  • 387
  • 0
Ижкар / Удмуртия
500-лэсь трос куриськонъёс вуизы «Удмуртилэн командаез» вожвылъяськонэ
Туспуктэм: Удмуртиысь тӧролэн но кивалтэтлэн пресс-службазы

20-тӥ инвожое «Удмуртилэн командаез» элькун вожвылъяськонэ пыриськон понна куриськонъёсты кутон йылпумъяськиз. Оглом 500-лэсь трос куриськонъёс вуизы, ивортэ улосвыл тӧролэн но кивалтэтлэн пресс-службазы.

562 адями куриськон сётӥз. Со пӧлысь 70 процентэз — Ижкарын улӥсьёс. Элькунысь мукет каръёсысь но кандидатъёс вань. Озьы ик Москваысь, Псковысь, Саратовысь, Оренбургысь куриськонъёс вуизы
Александр Свинин, Удмуртиысь кивалтэтлэн тӧроезлэн нырысетӥ воштӥсез

Та дыре куриськонъёсты эскерон мынэ. Ӵуказе, 22-тӥ инвожое, экспертъёслэн кенешсы ужаны кутскоз. 29–30 инвожое 100 полуфиналистъёс Сарапулын пумиськозы, отын соос понна пӧртэм эскеронъёс радъялозы. Полуфиналэ шедемъёслэн нимъёссы 27-тӥ инвожое тодмо луозы.

Финалэ 50 адями потоз. 1-тӥ пӧсьтолэзьысен 15-тӥ гудырикошконозь соос зэмос ужпумъёсты быдэстон борды басьтӥськозы, собере ужъемышсэс возьматозы. Гудырикошкон пумын 30 вормисьёслэсь нимъёссэс шараялозы. Ваньзы соос кадръёсъя резерве пыртэмын луозы но «Современная психология управления» программая дышетонэз ортчозы.

Тодэ вайытом, «Удмуртилэн командаез» усьтэм вожвылъяськон 21-тӥ куартолэзе кутскиз. Со кадръёсъя резервез кылдон программаез выльдон вылысь малпамын вал. Вожвылъяськонлы йылпумъянъёсъя, 30 адями кун тӧрлык ёзэсъёсын, элькунысь предприятиосын, но огазеяськонъёсын ужын ӝутскыны луонлык басьтоз.



Наверх
Вниз