Ижкар+12 °C
10 -тӥ куартолэзь 2021 Вордӥськон
18+

Можгалэн тӧроез интые укмыс адями ӵектӥськиз

  • 363
  • 0
Можга / Удмуртия
Можгалэн тӧроез интые укмыс адями ӵектӥськиз
Туспуктэм: Ульяна Колмогорова

Можга карлэн тӧроезлэн интыез понна укмыс адями вожвылъяськоз. Мылкыд карисьёслэсь куриськонъёссэс кутон туннэ, 28-тӥ инвожое, 16 часын йылпумъяськиз, вераз ивортодэтъя «Удмуртия» агентстволы муниципал кылдытэтлэн тӧроезлэсь, администрацилэсь но кар думалэсь ужзэс радъянъя управленилэн кивалтӥсез Людмила Романюк.

Солэн кылъёсызъя, кыкез кандидатъёс берпуметӥ часэ куриськонзэс вуттӥзы. Тӧро интые ӵектӥськем муртъёслэн лыдметсы таӵе:

  1. Галеев Руслан Рафильевич, вордскемын: 08.03.1968, «Сервисный центр» огазеяськонлэн кивалтӥсез;
  2. Чернов Андрей Леонидович, вордскемын: 21.10.1979, Можгаысь ватсаса тодон-валан сётонъя «Авиационно-технический спортивный клуб» муниципал ужъюртлэн кивалтӥсез;
  3. Ямилов Рамиль Могатович, вордскемын: 05.12.1973, «Контора» огазеяськонлэн кивалтӥсез;
  4. Овчинников Олег Викторович, вордскемын: 06.04.1976, «Гюнтер-Иж» огазеяськонысь вузкарон ёзэтлэн кивалтӥсезлэн воштӥсез;
  5. Трофимов Михаил Юрьевич, вордскемын: 02.02.1977, Камбаркаысь хими ожтӥрлыкез быдтонъя объектлэн кивалтӥсез;
  6. Попов Александр Сергеевич, вордскемын: 28.01.1972, «Балезино ёрос» муниципал клыдытэтлэн администрациезлэн тӧроезлэн нырысетӥ воштӥсез;
  7. Зонов Олег Николаевич, вордскемын: 21.09.1969, «Эгра» муниципал кылдытэтлэн тӧроез;
  8. Смердягин Леонид Геннадьевич, вордскемын: 31.01.1962, «Санаторий-профилакторий «СВЕТ» огазеяськонлэн кивалтӥсез (валтӥсь эмчиез);
  9. Уразов Эрик Рашитович, вордскемын: 15.04.1979, «Сьӧлта ёрос» муниципал кылдытэтлэн администрациезлэн тӧроезлэн нырысетӥ воштӥсез.

Азьвылгес ивортӥзы вал, 6-тӥ инвожое Можгалы тӧроез бырйыны ӧз быгатэ шуыса. Соку кыкез кандидатъёс — Руслан Галеев, но Леонид Смердягин — Кар думаысь депутатъёслэсь одӥг мында куараоссэс люказы. Собере выль конкурс ялӥзы. Солэн вуоноез люкетэз 6-т пӧсьтолэзе Удмуртилэн тӧроезлэн резиденцияз ортчоз. Отын кык тужгес кужмо кандидатъёсты быръёзы.

Тодэ вайытом, Можгалэн азьвыл тӧроез Алексей Шишов ужысьтыз ас мылкыд каремезъя 4-тӥ оштолэзе кошкиз. Кар кивалтӥсьлэсь ужзэ быдэсъяны Константин Кодесниковлы оскизы.



Наверх
Вниз