Ижкар+1 °C
13 -тӥ оштолэзь 2021 Пуксён
18+

Артём Николаев Удмуртилэн выль прокурорез луиз

  • 427
  • 0
Ижкар / Удмуртия
Артём Николаев Удмуртилэн выль прокурорез луиз
Туспуктэм: Григорий Фомин

5-тӥ пӧсьтолэзе Россилэн азьмуртэз Владимир Путин аслаз пуктэтэныз Удмуртилы прокуроре Артём Николаевез юнматӥз. Ужкагаз эрикрадо ивортодэтъя нимлыко порталын шараямын.

Удмуртилэн прокурорез интые Артём Николаев 5 арлы юнматэмын. Тодэ вайытом, азьвылгес солэн кандидатураезлы дурбасьтӥзы элькунысь Кун Кенешлэн депутатъёсыз.

Та дырозь улосвыллэн прокурорез Сергей Панов вал. Отставкае потэмез бере со Удмуртилэн тӧроезлэн советникез луиз. Озьы ик азьвыл прокурор элькун парламентэ ватсаса быръёнъёсы пыриськыны мылкыд кариз, соос 9-тӥ куарусёнэ ортчозы. 

ВАТСАН

Артём Юрьевич Николаев. Вордӥськиз Казаньын 1966-тӥ арын 4-тӥ гудырикошконэ. Йылпумъяз Казаньысь Ульянов-Ленин нимо кун университетэз «правоведение» ӧнеръя. 
1983–1985 аръёсы — Казаньысь кун университетын административной-хозяйственной частьын ужась;  
1983–1986 аръёсы — Казаньысь Ульянов-Ленин нимо кун университетысь студент (дышетскон дыръяз ик ужаз); 
1986–1988 аръёсы — Россиысь Ожгар Кужымъёсын служба нуиз; 
1988–1990 аръёсы — Казаньысь Ульянов-Ленин нимо кун университетысь студент; 
1990-тӥ арын Казаньысь Ленин ёросысь прокуратураын стажёр; 
1990–1991 аръёсы — Казаньысь Вахитов ёросысь прокуратураын стажёр; 
1991–1993 аръёсы — Казаньысь Вахитов ёросысь прокуратураын следователь, старший следователь; 
1993–1996 аръёсы — Казаньысь прокурорлэн юрттӥсез; 
1996–1998 аръёсы — Казаньысь Авиастроительной ёросысь прокурорлэн воштӥсез; 
1998–2000 аръёсы — Казаньысь прокурорлэн нырысетӥ воштӥсез; 
2000–2005 аръёсы — Татарстанысь Зеленодольск карысь прокурор; 
2017-тӥ арысен — Волга котырысь инкуазез утёнъя улосвылкуспо прокурорлэн воштӥсез (интыяськемын Казаньын).


Наверх
Вниз