Ижкар-6 °C
29 -тӥ шуркынмон 2020 Воскресенье
18+

Константин Сунцов но Михаил Черемных Ижкар тӧролэн интыужез понна вожвылъяськозы

  • 528
  • 0
Ижкар / Удмуртия
Константин Сунцов но Михаил Черемных Ижкар тӧролэн интыужез понна вожвылъяськозы

Ижкар тӧролэн интыужез понна вожвылъяськонэз Константин Сунцов но Михаил Черемных азьланьтозы. Сыӵе пумкылъянэ вуиз конкурс ӧри, солэн кенешонэз туннэ, 10-тӥ гудырикошконэ, ортчиз.

Жюри 13 кандидатъёс пӧлысь кыксэ бырйиз. Вожвылъяськон улсын радъям эскеронъёсын Константин Сунцов но Михаил Черемных тужгес трос куара люказы. Кин кивалтоз Удмуртилэн шоркареныз, пумкылъян кутозы Кар думаысь депутатъёс. Азьвыл чакламтэ сессизы 20-тӥ гудырикошконэ ортчыны быгатоз ни.

Конкурс ӧрилэн тӧроез, Удмуртиысь тӧролэн но кивалтэтлэн адмнистрацизылэн кивалтӥсез Сергей Смирнов верамъя, ваньмызлэн кандидатъёслэн карез азинтон сярысь ӵектонъёссы азьланяз лыдэ басьтэмын луозы.

Вожвылъяськонэ пыриськисьёсын ми вераським, тросэз соослэн ӵектонъёссы Ижкарез азинтонлы инъет луозы шуыса. Угось адямиос Ижкарысь сюлмаськонъёсты вылтӥз гинэ ӧвӧл, мур эскеризы но соосты палэнтыны амалъёс дэмлазы
Сергей Смирнов, Удмуртиысь тӧролэн но кивалтэтлэн администрацизылэн кивалтӥсез

Тодэ вайытом, вожвылъяськон ялӥзы азьвыл тӧро Юрий Тюрин интыужысьтыз кошкем бере. Кар думаысь депутатъёс отставказэ 10-тӥ куартолэзе кутӥзы. Удмуртилэн шоркарезлэн азьвыл кивалтӥсез ас мылкыд каремезъя кошкиз. Тӧролэн интыез понна нырысь ик 14 адями вожвылъяськыны мылкыд кариз вал, но берлогес одӥгез палэнтӥськиз.

Пӧсьтолэзе кандидатъёс кык пол дебатъёс ортчытӥзы, отын соо Ижкарез азинтон ласянь асьсэ малпанъёссэс шараязы.

ВАТСАН

Михаил Петрович Черемных вордскиз Ижкарын 1962-тӥ арын 8-тӥ шуркынмонэ. Удмурт кун университетысь кылосбуръя факультетэз йылпумъяз. Педагогика тодосъя кандидат. «Школа Сколково в Ижевске» ӵектослэн кивалтӥсез.

1985-1990 аръёсы Ижкарысь 68 но 81 номеро школаосын дышетӥсь луыса ужаз;

1990-тӥ арысен Гуманитарной лицеен кивалтэ.

Константин Андреевич Сунцов вордскиз Ижкарын 1982-тӥ арын 19-тӥ инвожое. Ижысь техникая кун университетэз «Финансы и кредит» ӧнеръя йылпумъяз. «Прядки в порядке» (азьвыл «Бигуди»), «Шоколад», CANDY&DANDY (азьвыл «Модные люди»), «Стрижка FIX», Laser Pro но «Налево» салонъёслэн кузёзы луэ.

2009-тӥ арысен чеберлык удысын аслэсьтыз ужзэ азинтэ;

2018-тӥ арысен Удмуртиысь тӧролэн советникеныз юнматэмын. 



Наверх
Вниз