Ижкар-6 °C
29 -тӥ шуркынмон 2020 Воскресенье
18+

Ижкар думаысь депутатъёс карлы тӧроез бырйыны ӧз быгатэ

  • 490
  • 0
Ижкар / Удмуртия
Ижкар думаысь депутатъёс карлы тӧроез бырйыны ӧз быгатэ
Туспуктэм: Алексей Арзамасцев

Ижкар думаысь депутатъёс карлы тӧроез быръёнъя пумкылъян кутыны 20-тӥ гудырикошконэ ӧз быгатэ. Константин Сунцов понна 17 депутатъёс куразэс сётӥзы, Михаил Черемных понна – 10, эшшо 6 бюллетень изъянтэмен лыдъямын. Пумкылъян кутон понна вормись 22 куара люканы кулэ вал.

20-тӥ гудырикошконэ Кар думалэн азьвыл чакламтэ сессиез ортчиз. Отын депутатъёс Удмуртилэн шоркарезлы выль тӧро бырйыны кулэ вал. Кандидатъёс понна кура сётон лушкем амалэн ортчиз. Солэсь азьвыл кыкез ик кандидатъёс асьсэ программаосынызы тодматӥзы, депутатъёслэн юанъёссылы валэктонъёс сётӥзы.

Тодэ вайытом, карлэн азьвыл тӧроез Юрий Тюрин интыужысьтыз ас мылкыд каремезъя кошкиз. Выль кивалтӥсез быръён понна вожвылъяськон ялӥзы. Нырысь ик кандидатъёсты конкурс ӧриын эскеризы, соин Удмуртиысь тӧролэн но кивалтэтлэн администрацизылэн кивалтӥсез Сергей Смирнов кивалтӥз. Собере Кар думаысь депутатъёс кура сётыны кулэ вал.

Тӧролэн интыез понна нырысь ик 14 адями вожвылъяськыны мылкыд кариз вал, но берлогес одӥгез палэнтӥськиз. 10-тӥ гудырикошконэ конкурс ӧри кык кандидатъёсты бырйиз. Вожвылъяськон эскеронъёсын Константин Сунцов 491 балл басьтӥз, Михаил Черемных – 418 балл.

Соослэсь кандидатураоссэс Кар думаын эскерыны ӵектӥзы.

Ивортодэтъя «Удмуртия» агентство сессилэн кенешонысьтыз меӵак возьматон нуиз.

Ижкарлы тӧроез быръёнъя выль конкурсэз толэзь ӵоже ялозы. Со сярысь журналистъёслы вераз Кар думаысь эрикрадъя управлениелэн кивалтӥсез Дмитрий Чулкин. 



Наверх
Вниз