Ижкар+1 °C
13 -тӥ оштолэзь 2021 Пуксён
18+

Виктор Лашкарёв Удмуртиысь промышленностья но вузкаронъя министре юнматэмын

  • 464
  • 0
Ижкар / Удмуртия
Виктор Лашкарёв Удмуртиысь промышленностья но вузкаронъя министре юнматэмын
Туспуктэм: Григорий Фомин

Удмуртиысь промышленностья но вузкаронъя министре Виктор Лошкарёв юнматэмын. Со сярысь элькун тӧролэн косэтэз улосвыл тӧрлыкъёслэн нимлыко сайтазы шараямын.

«2018-тӥ арысь 28-тӥ гудырикошконысен но Удмурт Элькунлэн тӧроезлэн ужоскетъёсыз кыстӥськытозь Удмурт Элькунлэн промышленностья но вузкаронъя министреныз Лашкарёв Виктор Александровичез юнматоно», - верамын ужкагазын.

Косэт кужымаз пыре сое юнматэмын нуналысен.

Тодэ вайытом, 2017-тӥ арысь 23-тӥ куартолэзьысен Виктор Лашкарёв промышленностья но вузкаронъя министрлэсь ужзэ быдэсъясь вал. Солэсь азьвыл удысэтэн кивалтӥсь Виктор Разумков интыужысьтыз 27-тӥ оштолэзе, элькунлы федерал коньдэтысь висъям 10 миллион манетэз выльысь берыктыны курон вуэм понна Александр Бречалов куаретэм бере, кошкиз. 



Наверх
Вниз