Ижкар+11 °C
18 -тӥ коньывуон 2021 Вордӥськон
18+

Анай кылъёсты утёнъя но дышетонъя фонд кылдытон сярысь косэтэз юнматӥз Владимир Путин

  • 691
  • 0
Москва / Россия
Анай кылъёсты утёнъя но дышетонъя фонд кылдытон сярысь косэтэз юнматӥз Владимир Путин
Туспуктэм: Алексей Иванов

Россилэн азьмуртэз Владимир Путин «Росси Федерациысь калыкъёслэсь анай кылъёссэс утёнъя но дышетонъя фонд кылдытон сярысь» косэтэз (указ) юнматӥз. Ужкагаз туннэ, 26-тӥ коньывуонэ, кун кивалтӥсьлэн нимлыко сайтаз шараямын.

Кызьы верамын ужкагазын, Россиын улӥсь калыкъёслэн анай кылъёссы кунлэн йӧскалык дунлыкез но историен но лулчеберетэн герӟаськем кылёсбурез (наследиез) луэ, соин ик соосты утён но дышетон понна луонлыкъёс кылдытон вылысь нимысьтыз Фонд кылдытыны кулэ.

Росси Федерацилэн нимыныз Фондэз кылдытӥсьёс луозы Просвещениея министерство но Йӧскалык ужпумъёсъя федерал агентство. Фондлэн ваньбуретэз федерал коньдэтысь ассигнованиос, ас мылкыд каремъя тыриськонъёс чотын кылдытӥськоз.

Фондлэсь уставзэ матысь куинь толэзьёс ӵоже юнматозы. Солэсь ужамзэ, коньдонэз кутэмзэ но Росси катрадлыкез быдэсъямзэ Фондлэн попечительской кенешез чаклалоз.

Правленилэн ёзчизэ но попечительёслэсь кенешсэс Росси кивалтэт юнматоз. Озьы ик со 2019-тӥ арысен Фондлы федерал коньдэтысь ассигнованиос висъяны кулэ.

Косэт кужымаз пыре сое кинюртэм нуналысен. 



Наверх
Вниз