Ижкар+22 °C
11 -тӥ пӧсьтолэзь 2020 Кӧснунал
16+

Удмуртиысь Дэри ёрослэн тӧроез интыужысьтыз кошкиз

  • 236
  • 0
Дэри / Удмуртия
Удмуртиысь Дэри ёрослэн тӧроез интыужысьтыз кошкиз

Дэри ёрослэн тӧроез Андрей Коняшин интыужысьтыз кошкиз. Кызьы ивортэ Удмуртиысь тӧролэн но кивалтэтлэн пресс-службазы, 9-тӥ оштолэзе со ас мылкыд каремезъя куриськон гожтӥз.

Андрей Коняшин ёросэн 2011-тӥ арысен кивалтӥз. Выль тӧроез бырйытозь муниципал кылдытэтэн администрацилэн тӧроезлэн нырысетӥ воштӥсез Сергей Ожегов кивалтоз.

Кызьы вераз ивортодэтъя «Удмуртия» агентстволы ёрос администрацилэн пресс-службаяз, Дэри ёрослэн уставезъя выль тӧрез быръён ӝыны арозь кыстӥськыны быгатоз.  

Ватсалом, Коняшин Удмуртиысь Муниципал кылдытэтъёслэн кенешсылэн тӧроез луэ. 

Тодэ вайытом, 9-тӥ оштолэзе тодмо луиз, Можгаысь Кар думалэн тӧроез Валерий Корольков ас мылкыд каремезъя интыужысьтыз кошкиз шуыса.



Наверх
Вниз