Ижкар+5 °C
21 куарусён 2019 Кӧснунал
16+

Удмуртилэн Кун Кенешысьтыз «Огъя Россия» фракцилэн кивалтӥсез воштӥськиз

  • 477
  • 0
Ижкар / Удмуртия
Удмуртилэн Кун Кенешысьтыз «Огъя Россия» фракцилэн кивалтӥсез воштӥськиз
Туспуктэм: Удмуртиысь Кун Кенешлэн пресс-службаез

Удмуртилэн Кун Кенешысьтыз «Огъя Россия» фракцилэн 4-тӥ куарусёнэ ортчем кенешоназ депутатъёс фракцизылэн кивалтӥсезлэсь Анатолий Наумовлэсь ужоскетъёссэ дырызлэсь вазь дугдытон сярысь юанэз эскеризы. Со сярысь улосвыл парламентлэн пресс-службаез ивортэ.

Мон сыӵе пумкылъянэз малпаськыса кутӥ. Кӧня ке сюрс ужасьёсын акционер огазеяськонэн кивалтон туж трос дырез но кужымез басьтэ, соин ик фракцилэн кивалтӥсезлэсь ужоскетъёссэс рос-прос быдэсъяны луонлыке ӧвӧл. Мынам малпамея, фракциен кивалтыны кулэ мукет интыын ужасьтэм адями
Анатолий Наумов, Удмуртилэн Кун Кенешысьтыз «Огъя Россия» фракцилэн азьвыл кивалтӥсез

Озьы ик со пусйиз, Ижкаре ветлыны трос дыр быре шуыса, угось со улэ но ужа Сарапулын.

Фракцилэн ёзчиосыз отставкаез кутӥзы но, лушкем кура сётон ортчытыса, выль кивалтӥсез бырйизы. Со Кун Кенешысь мер кышкыттэмлыкъя, регламентъя но парламентлэсь ужзэ радъянъя ялан ужась ӧрилэн тӧроез Елена Дербилова луиз.

Елена Анатольевна Кун Кенешысь «Огъя Россия» фракциын нырысетӥ ар гинэ уг ужа ни. «Огъя Россиысь» депутатъёслэн корпусэнызы ужанын бадӟым опытсэ лыдэ басьтыса, президиум лыдъя, со Кун Кенешысь фракцилэн умой кивалтӥсез луоз шуыса
Владимир Невоструев, Удмуртиысь Кун Кенешлэн тӧроезлэн нырысетӥ воштӥсез

Ужъюлтошъёсыз Елена Дербиловалы азинлыко ужаны сӥзизы но юрттыны кыл сётӥзы.

Туннэ туж умой валаськом, политикаен герӟаськем азямы сылӥсь ужпумъёсты быдэстон понна асьмеос эшшо юнгес огазеяськыны кулэ
Елена Дербилова, Удмуртилэн Кун Кенешысьтыз «Огъя Россия» фракцилэн кивалтӥсез

Фракцилэн выль кивалтӥсез ӵектэмъя, Анатолий Наумовез нырысетӥ воштӥсе бырйизы но улосвыл парламентлэн азьвалтэтаз пыртӥзы. 

Наши партнеры

Наверх
Вниз