Ижкар+22 °C
11 -тӥ пӧсьтолэзь 2020 Кӧснунал
16+

Яр ёрослэн тӧроез луон понна вожвылъяськонын кык финалистъёсты шараязы Удмуртиын

  • 332
  • 0
Ижкар / Удмуртия
Яр ёрослэн тӧроез луон понна вожвылъяськонын кык финалистъёсты шараязы Удмуртиын

Удмуртиын Яр ёрослэн тӧроез луон понна вожвылъяськонын кык финалистъёсты шараязы. Со сярысь 24-тӥ куарусёнэ журналистъёслы элькун тӧролэн но кивалтэтлэн администрациенызы кивалтӥсь, конкурс ӧрилэн тӧроез Сергей Смирнов вераз.

Со адямиос, кудъёсызлы Яр ёрос туж матын, со палэнысь муртъёс ӧвӧл, со адямиос, кудъёсыз кемалась уло, вордӥськизы но ужало ас ёросазы
Сергей Смирнов, конкурс ӧрилэн тӧроез, Удмуртиысь тӧролэн но кивалтэтлэн администрациенызы кивалтӥсь

Финалэ потэмъёс пӧлын Яр ёросысь депутатъёслэн кенешенызы кивалтӥсь Александр Старцев (со 332 балл люказ) но «Пудемское» муниципал кылдытэтлэн тӧроез Сергей Щепин (271 балл) 

Выль ёрос тӧроез интыысь депутатъёс 26-тӥ куарусёнэ ортчоно сессиязы быръёзы. Тодэ вайытом, ёросэн азьвыл кивалтӥсь Тамара Уткина 19-тӥ гудырикошконэ дырызлэсь вазь ужысьтыз кошкиз.

Сергей Смирнов пусйиз, Сергей Щепин но Александр Старцев тужгес умой дасям программаоссэс возьматӥзы шуыса. Тӧрое пуксён понна оглом сизьым адями вожвылъяськиз.

Мон малпамъя, соиз но, таиз но кандидат кужмо
Сергей Смирнов, конкурс ӧрилэн тӧроез, Удмуртиысь тӧролэн но кивалтэтлэн администрациенызы кивалтӥсь

Ваньмыз конкурсантъёс Яр ёросэз азинтонъя ӵектонъёссэс шараязы. Соос тӧроослэсь (старейшинаослэсь) кенешсэс кылдытонэн, гурт возёс удысэ инвестициосын, туризмез азинтонэн но мукет ужпумъёсын герӟаськемын вал.

Вожвылъяськон ӧрилэн тӧроез ас ёросъёссы сярысь вань сюлмаськисьёслы та выллем конкурсъёсы пыриськыны кулэ шуыса пусйиз.



Наверх
Вниз