Ижкар-9 °C
24 -тӥ толшор 2020 Удмуртарня
16+

Выль катъёс ужаны кутскозы Удмуртиын вуоно арын толшорысен

  • 566
  • 0
Ижкар / Удмуртия
Выль катъёс ужаны кутскозы Удмуртиын вуоно арын толшорысен
Туспуктэм: ИА "Удмуртия"

2020-тӥ арын толшоре Удмуртиын сизьым выль катъёс ужаны кутскозы. Со сярысь элькунысь Кун Кенешлэн пресс-службаез ивортэ.

1-тӥ толшорысен быдэ вуымтэослы энергетической юонъёсты вузан алэмын луоз. Озьы ик соос нылпиосын ужась, дышетон но эм огазеяськонъёсысь, тазалыкез кыдатон но спорт огъетъёсысь вузкарон интыосысь утялтэмын луыны кулэ. Со сяна, юонъёсты быдэ вуымтэосын ужрадъёсын но вузкарон автоматъёсын вузаны уз луы.

Озьы ик 1-тӥ толшорысен быдэ вуымтэос пумысен опекая но попечительствоя но анай-атайтэк кылем но анай-атайзы учкымтэ пиналъёслы мер юрттэт сётонъя ужоскетъёс Удмуртиысь мер политикая но ужъя министерствое выжо. Азьвыл со ужъёсты интыысь аскивалтэт ёзэсъёс быдэсъяло вал

2020-тӥ арын 1-тӥ толшорысен 2022-тӥ арын 31-тӥ толсурозь Удмуртиын 2020-тӥ яке 2021-тӥ арын мукет улосвылъёсын регистрациез ортчем огазеяськонъёс но нимаз ужбергатӥсьёс элькунамы пусйськизы ке, соослы вытъёсъя ставкаос 1-5 процент луозы. Табыш понна выт ставка нырысетӥ выт тырон вакытэ 1 процент луэ, кыкетӥяз – 3 процент. Табышысь расходэз куштон чуръя выт ставка 5 процент луоз.

Озьы ик 1-тӥ толшорысен транспортлы выт сярысь катэ пыртэм тупатонъёс кужымазы пыро. Соосъя элькунысьтымы вань трос нылпиё семьяослы, табышсэс чаклатэк, транспорт понна вытлы 50 процентъем капчиятон сётӥськоз. Льгота 150 вал кужымозь одӥг транспортлы чакламын. Озьы вуоно арын элькунысьтымы ватсаса 4 сюрс 200-лэсь уно трос нылпиё семьяос капчиятон басьтозы

1-тӥ толшорысен индустрии (промышленной) паркъёслэн резидентъёссылы ватсаса капчиятонъёс сётӥсько. Соос вить арлы транспорт понна , пичи машиаосты лыдэ басьтытэк) вытъёсты тыронлэсь палэсьтӥсько. Озьы ик вить арлы ваньбурзылы вытлэсь управляющей компаниос мозмытӥсько, кудъёсызлэн ваньбурзы ас балансазы лыдъяське но индустрии паркын интыяськемын ке.

6-тӥ толшорысен Удмуртилэн тӧроезлэн, Россиысь кун тӧрлык ёзэсъёслэн, Удмуртиысь кун тӧрлык ёзэсъёслэн, Россиысь но Удмуртиысь мукет кун ёзэсъёслэн, интыысь аскивалтэтлээн ужъюртъёссы котырын калыкен ужрадъёс ортчытъяны лэземын луоз

Озьы ик толшоре, кутэм бере 10 нунал ортчыса, быдэ вуымтэослы тамактэм никотино сысконъёсты вузанэз алон сярысь элькун катрадлыке воштӥськонъёс кужымазы пырозы

Наши партнеры

Наверх
Вниз