100 лет государственности Удмуртии
Ижкар+14 °C
31 -тӥ куартолэзь 2020 Воскресенье
16+

Нылпи садъёс пуктон но выль эм тӥрлык басьтон сярысь вераськизы Александр Бречалов но Дмитрий Медведев

  • 606
  • 0
Москва / Россия
Нылпи садъёс пуктон но выль эм тӥрлык басьтон сярысь вераськизы Александр Бречалов но Дмитрий Медведев
Туспуктэм: Росси кивалтэтлэн пресс-службаез

Удмуртилэн тӧроез Александр Бречалов Россилэн кивалтэтэзлэн тӧроеныз Дмитрий Медведевен пумиськылӥз. Соос улосвыллэн азинсконъёсыз но йӧскалык ӵектонъёсты улонэ пыӵатон сярысь вераськизы. Со сярысь кун кивалтэтлэн пресс-службаез ивортэ.

Дмитрий Медведевлэн но Удмуртилэн тӧроезлэн Александр Бречаловлэн пумиськонзы


2019-тӥ арын Дэри ёросысь Совхозной каргуртын школа пуктыны но Ижкарын нылпи сад ӝутыны коньдон висъямын вал.

Электросетевой активъёсты «Россети» огазеяськонэн валчеян ӵектосъя ми шӧдскымон коньдон басьтыны быгатӥм – 3 миллиард манетлэсь трос. Сое быдэсак нылпи садъёсты но школаосты тупатъян но выльдон уже ӧръям
Александр Бречалов, Удмуртилэн тӧроез

Со коньдонэн 2019-2020 аръёсы 700-лэсь трос мерлыко юртъёслэсь липетъёссэс нон укнооссэс воштозы. Азьло со ужпумъёслы араз троссэ 150 миллион манет висъяллязы

«Здравоохранение» йӧскалык ӵектос улсын инвентаризация ортчытӥзы но выль ужан тӥрлык басьтӥзы.

Тазалыкез утён ласянь каръёсамы, ёрос эмъюртъёсамы ми бадӟым вамыш лэсьтӥм. Пыктос висёнъёсъя амбулатори пунктъёс, кустъёсын чакласа, вань кулэ ёросъёсын усьтэмын. 2017-тӥ арын секыт, диагностика лэсьтон, тӥрлык 70 процентлэсь тросэз вужмемын вал ини. Висисьёс бускель улосвылъёсы ветлылӥзы яке коммерци юрттӥськетлы коньдон быдтоно луылӥзы. Али ми югдурез шӧдскымон воштом
Александр Бречалов, Удмуртилэн тӧроез

Дмитрий Медведев пусйиз, секыт тӥрлыкез тросаз улосвылъёсын воштылӥзы шуыса, но со 10 ар ортчыса нош ик вужме. Соин ик азьланяз сое нош выльдоно луоз.

Марлы эшшо саклык висъяно луоз на – малпасько та ужпум Удмуртиын но лэчыт сылэ, - со нырысетӥ эмъюрттэт сётон юртъёсын югдур, мон верасько поликлиникаос но ёрос эмъюртъёс сярысь. Валамон, со тӥрлыкен диагностика, эмъюрттэт ӟечлыко условиосын мед лэсьтӥськозы шуыса, татчы инвестициосты кысконо. Мед со луоз туала юрт, кытын шуныт, пӧсь но кезьыт вуэз но мукетыз вань. Та программаез Удмуртиен но ӵошен улонэ пыӵатоно луоз
Дмитрий Медведев, Россиысь кивалтэтлэн тӧроез

Озьы ик Удмуртилэн тӧроез «Демиография» йӧскалык ӵектос улсын 27 яслиос пуктӥзы шуыса вераз. Солы луыса 2 сюрс 160 семьяос, нырысь ик анайёс, пиналъёссэс нылпи садъёсы сётыны но уже потыны быгатӥзы. 2020-2021 аръёсы эшшо 2 сюрс 220 интылы нылпи садъёс пуктыны чаклало.



Наверх
Вниз