100 лет государственности Удмуртии
Ижкар+7 °C
4 -тӥ оштолэзь 2020 Кӧснунал
16+

Владимир Путин: анай капиталъя программа 2026-тӥ ар пумозь ужалоз

  • 907
  • 0
Москва / Россия
Владимир Путин: анай капиталъя программа 2026-тӥ ар пумозь ужалоз
Туспуктэм: Григорий Фомин

Владимир Путин кыкетӥ пинал ваем семьяослы анай капитал сётонъя программаез 2016-тӥ арын 31-тӥ толсурозь кузятон сярысь вераз.

Асьмеос егитъёслы юрттыны кулэ. Соослы, кин семья кылдытэ но, оскисько, нылпи ваён сярысь малпасько. Соин валче анай капиталъя выль ватсанъёс ӵектэме потэ
Владимир Путин, Россилэн азьмуртэз

2020-тӥ арын 1-тӥ толшорысен кужымазы пыро таӵе выльдонъёс:

- нырысетӥ нылпи ваем понна ини семья 466 сюрс 617 манет басьтыны быгатэ;

- кыкетӥ нылпизы вордскиз ке, эшшо 150 сюрс манет сётозы. Озьы кык нылпиен семьялэн анай капиталэз оглом 616 сюрс 617 манет луоз;

- куинетӥ нылпи ваем понна семьялы ипотеказэ тырыны 450 сюрс манет висъялозы.

Анай капиталлэсь быдӟалазэ арлы быдэ индексировать карозы

Оглом вераса, куинь нылпиен семья улон интен югдурзэ умоятыны кун юрттэмен 1 миллион манетлэсь трос коньдон висъяны быгатоз. Куд-ог улосвылъёсын, каръёсын, улосвыл центръёсын со квартиралэн ог ӝыны дуныз луэ
Владимир Путин, Россилэн азьмуртэз

Со сяна, кык но тросгес нылпиен семьяос 6 процентъем ипотека басьтыны быгато. Со ставка кредитсылэн быдэс чаклам дырызлы юнматӥськоз. 



Наверх
Вниз