Ижкар+27 °C
12 -тӥ пӧсьтолэзь 2020 Воскресенье
16+

Россилэн Кункатаз воштонъёсъя огъяросси куара сётон 22-тӥ оштолэзе ортчоз

  • 950
  • 0
Москва / Россия
Россилэн Кункатаз воштонъёсъя огъяросси куара сётон 22-тӥ оштолэзе ортчоз
Туспуктэм: Руслан Нуриахметов

Россилэн Кункатаз воштонъёсъя огъяросси куара сётон 22-тӥ оштолэзе (апреле) 8 часысен ӵукна 8 часозь ӝытазеозь ортчоз. Со сярысь «Российская газета» ивортэ.

Со пумысен тупатон Кун Думаысь кунэз лэсьтонъя но катрадылкъя комитетэ сётэмын.

26-тӥ тулыспалэ ужъя пумиськонын Россилэн азьмуртэзлы Владимир Путинлы со нуналэз Федераци Кенешлэн ёзчиез Андрей Клишас ӵектӥз.

Быръёнлэн визьрадэз татын туж огшоры вал: 19-тӥ оштолэзьлы православи визян йылпумъяське, Быдӟымнунал, 24-тӥ оштолэзе мусульманъёслэн Рамадан толэзьлы кутске. Со нуналъёс вискын, 22-тӥ число – со ужан нунал, но ми озьы ик чакланы кулэ, со нунал шутэтскон нунал мед луоз шуыса. Со шутэтскон нунал мукет шутэтскон яке праздник нуналъёсын уз воштӥськы. Соин ик 22-тӥ оштолэзь тужгес тупамон нунал луэ шуыса малпаськом
Андрей Клишас, Россиысь Федераци Кенешлэн ёзчиез

Кункатын воштонъёс сярысь катӵектосэз кыкетӥ лыдӟонлы дасяло. Огъяросси куара сётонын калык соослы дурбасьтӥз ке, выльдӥськонъёс кужымазы пырозы. 

Тодэ вайытом, Россилэн Кункатаз тупатонъёс дасянъя ужась группае Удмуртилэн Кун Думаын азьвыл депутатэз, Удмуртилэн тӧроезлэн Росси азьмурт бордын ужась представительствоезлэн кивалтӥсез — элькун кивалтэтлэн тӧроезлэн воштӥсез, али «Россиысь калыкъёслэн ассамблеязы» огазеяськонлэн кенешезлэн тӧроез Светлана Смирнова но пыриз



Наверх
Вниз